Ka para për t’u përballur me krizën, Basha: Shqipëria s’është e varfër, por e vjedhur. SPAK të hetojë…

Kryetari i Partisë Demokratike, Lulzim Basha, tha sot se vala e dytë, që me gjasa ka nisur, e ka gjetur kryeministrin Edi Rama të papërgatitur për t’ju përgjigjur emergjencës shëndetësore ndërsa konstatoi ashtu si dhe ekspertët pranë PD se sistemi tashmë është në kolaps. Rikujtoi 4 hapat e propozuar nga PD që sipas tij duhet të ishin marrë parasysh ndërsa e bëri të qartë se në buxhetin e shtetit ka para mjaftueshme që vendi të përballet me krizën për shkak të pandemisë së COVID-19.

“Numri i të prekurve është më i lartë. S’ka vend në Europë që të shpenzojë siç shpenzon Edi Rama për 10 ose 12 shokët e tij, vetëm atyre iu ka rezervuar 1/10 e prodhimit të brendshëm të Shqipërisë. Rama është i vendosur që t’i shkojë kësaj deri në fund. Ai do të vazhdojë me vjedhje, do të bëjë gjithçka që tenderat të bëhen sekret, pa transparencë. Ndërkohë që edhe ato testime që bëhen, bëhen me pajisje dhe kite të dhuruara nga partnerët. Dua t’ju shpreh falënderimet e mua SHBA, e vendeve të tjera aleate, se kushedi se çfarë do të ndodhte këtu. Ky njeri duhet të largohet, siç shqiptarët mezi po presin që ta largojnë. Është detyrë qytetare, humanitare e gjithsecilit nga përfaqësuesit e institucioneve që të ndalojmë vjedhjen e mëtejshme. Heqjen nga duart e Edi Ramës të mundësive për të vazhduar grabitjen e shtetit, që të bëjmë maksimumin që këto para të shkojnë atje ku ka nevojë. Ka mjaftueshëm para për t’u përballur me krizën, pasi Shqipëria nuk është e varfër, por e vjedhur. Mjaftojmë që të ndalim këtë vjedhje dhe të shpëtojmë dëmtimin e biznesit. As kam kërkuar dhe as nuk premtoj mrekulli. 160 mijë lekë të vejta për 6 muaj nuk janë mrekulli. Por është detyrim minimal. Kjo situatë s’ka të bëjë me 25 prillin, pasi do të jetë një uragan i papërmbajtur, por me periudhën para kësaj. Ka të bëjë me bukën e shqiptarëve. Unë do të bëj detyrën time për të treguar se çfarë do të bëjë qeveria,” tha Lulzim Basha duke përsëritur se tashmë SPAK i ka në dorë provat për rastet e vjedhjeve dhe për këtë fakt ky institucion duhet të veprojë menjëherë.

“Ndaj përsëris për organet e drejtësisë, nuk mjaftojnë deklaratat dhe hapat e breshkës, pasi çdo ditë që ju nuk bërtisni, ju po inkurajoni vjedhjen. Ju duhet ta shkurajoni vjedhjen, largimin e parave nga këta njerëz të grupeve të strukturuar. Merrni në pyetje, thirrini në SPAK. korrupsioni është ashiqare, është e vetmja mënyrë që mos të livadhisen. Provat i keni. S’ka shqiptar që si kupton. Çfarë prisni?! Do të jetë vonë nëse deri në ditët e fundit kjo bandë do të përgjakë biznesin dhe numri i viktimat të rritet. Keni detyrimin që të respektoni dhe të veproni sot.”

Vala e dytë e pandemisë e gjen Ramën të papërgatitur!

Edhe vala e dytë, që mesa duket ka nisur, e gjen Edi Ramën të papërgatitur për t’ju përgjigjur emergjencës shëndetësore, thekson lideri i opozitës duke shtuar:

“Kam kërkuar që të merren 4 hapa të thjeshtë, të çohen në 2500 testime në ditë. Kjo bën që të bëhen testime në kohë. Evidentim të atyre që e kanë marrë virusin, dhe kontaktet e tyre e më pas izolimin e trajtimin e tyre. Në kushtet e kësaj përqindje, OBSH e konsideron minimal numrin e testimeve. Shqiptarëve me COVID tu rimbursohet paketa e ilaçe.”

Me këtë rast Basha konstaton se Shqipëria i ka mundësitë që askush mos ta humbasë jetën, pasi nuk harrin dot që të blejë paketën e ilaçeve.

“Nëse paratë e shqiptarëve në këtë kohë krize do të shkonin për pandeminë, atëherë rimbursimi total i shpenzimeve të atyre që kurohen në shtëpi, do ishte thërrime krahasuar me ato që shkojnë për gostinë e investimeve. Gjatë fundjavës janë përballur me COVID dhe u trajtuan për një periudhë kohore në spitale rajonale të papërgatitura. Bonusi për mjekët dhe infermierët është detyrim që kemi ndaj tyre, për sakrificën e madhe dhe ekspozimin ndaj rrezikut. Sot sistemi është de-facto në kolaps. Sot këtë nuk e fshehim dot.”

Ndërkohë që ishte në bashkëbisedim me gazetarët, erdhi lajmi se Komisioni Varhelyi është shprehur se Parlamenti duhet të pres opinionin e Komisionit të Venecias për Kodin Zgjedhor, deklaratë të cilën Kryetari i PD e përshëndeti:

“Deklarata e komisionerit duhet të jetë e tanishme. Është e qartë, e përshëndes deklaratën e komisionerit për zgjerim. Rishpreh shqetësimin e thellë të BE-së dhe partnerëve tanë për shkatërrimin e klimës parazgjedhore dhe përpjekjen e Edi Ramës për të manipuluar sistemin para zgjedhjeve të ardhshme. Përsëris qëndrimin e PD para dhe pas dekretit të Presidentit Meta që kjo është një goditje e rëndë ndaj shanseve të Shqipërisë për integrimin europian dhe përgjegjësi është vetëm një. Ai që ka vënë xhepat e tij dhe të hajdutëve të tij para shqiptarëve tani po vendos pushtetin e tij dhe frikën e largimit nga pushtetit para integrimit europian të vendit dhe një klime të qetë zgjedhore. Pa diskutim e mbështes këtë apel të komisionerit Varhelyi në emër të KE dhe shpresoj që Komisioni i Venecias të ndërhyjë për të treguar fare qartë atë që ne demonstruam gjatë gjithë këtyre muajve në tryezën e Këshillit Politik se ne ishim të përkushtuar për standarde zgjedhore dhe Edi Rama ka një tmerr të papërshkrueshëm nga procesi i ardhshëm zgjedhor dhe për këtë arsye ka shkelur dhe ka dhunuar standardet minimale zgjedhore që Europa i konsideron të domosdoshme për zgjedhje demokratike.”

Çdokush që do të rrëzojë këtë qeveri të korruptuar, është i mirëpritur në PD

Në fund, Kryetari i Partisë Demokratike, Lulzim Basha, u pyet edhe për Lëvizjen Politike të Ish-Nënkryetares së PD, Jozefina Topalli, për të cilën ai u shpreh se në partinë që ai drejton është i mirëpritur çdokush që lufton qeverisjen e korruptuar të Edi Ramës.

“Çdokush që do të heqë Ramën është i mirëpritur. Dikush që mundohet të barazojë dikë si Edi Rama që ka shkatërruar Shqipërinë dhe nga ana tjetër një opozitë që ka luftuar përherë, nuk është mund të jetë e drejtë. Nuk mund të flas dot për figura, sidomos për persona që kanë pasur vlerësim. Kjo është luftë për jetë a vdekje, kush do që të largohet Edi Rama është i mirëpritur nga ne, e kush është me qeverinë dhe korrupsionit të saj, qytetarët po i japin atë që meriton.”