Kabul, gjenden të vrarë tre të huaj, në mesin e tyre një kuzhinier nga Maqedonia

Policia në Kabul gjeti trupat e tre shtetasve të huaj, të cilët janë rrëmbyer dhe vrarë në kryeqytetin afgan, bëjnë të ditur zyrtarët lokalë.

Tre shtetasit e huaj përfshijnë një shtetas të Maqedonisë, një të Indisë dhe një të Malajzisë, tha për RFE, zëdhënësi i Ministrisë së Brendshme, Nusrtat Rahimi.

Zëdhënësi i shefit të policisë në Kabul, Hashmat Stanekzia, tha se trupat janë lënë në Musahi, një zonë e paqëndrueshme e qytetit.

“Në këtë fazë, mendojmë se është incident terrorist”, tha ai.

Përgjegjësinë për rrëmbimet dhe vrasjet nuk e ka marrë ende asnjë grup.

Një oficer policie, Jan Aga, u citua të ketë thënë se tre të huajt punonin si kuzhinier në aeroportin e Kabulit