Kabul, talibanët sulmojnë Pallatin Presidencial kur po falej namazi i Kurban Bajramit

Sot në mëngjes talibanët kanë hedhur të paktën 12 raketa  drejtë Pallatit Presidencial dhe zonën diplomatike në kryeqytetin e Afganistanit, Kabul.

Sulmi erdhi ndërsa presidenti Ashraf Ghani po fliste në ceremoninë e faljes së namazit të Kurban Bajramit.

Në momentin e shpërthimit, Ghani ndërpreu fjalimin duke thënë:

“Gabojnë nëse mendojnë se me sulme raketore do të ndalojnë afganët!”

Një raketë ra pranë Pallatit Presidencial e  tjetra afër Ambasadës së SHBA në Kabul.

Forcat afgane rrethuan shtëpinë prej së cilës mendohet se është kryer sulmi dhe gjuajtën në atë drejtim.

Zona u sigurua por ende nuk dihet nëse ka viktima.

Hetimet vazhdojnë!