Kadastra e Durrësit/ Tjetërsuan tokë shtetërore, gjykata lë 9 zyrtarë në burg

Gjykata e Durrësit ka dhënë masën e sigurisë për 17 personat e arrestuar në Kadastrën e Durrësit në lidhje me tjetërsimin e pronave në zonën e Kepit të Rondit dhe Gjirit të Lalzit.

Nëntë prej tyre janë lënë në burg, ndërsa ndaj tetë të tjerëve është marrë masa e sigurisë e arrestit shtëpiak. Në burg mbetet ish-drejtori i Hipotekës, Ardian Iljazaj, Mikel Zaho, Bledar Zerba, Sulejman Ibrahimi(ish-kryetar i komunës së Ishmit), Renaldo Pastërma, Delis Kapxhiu, Luigj Bushaj, Gjon Proja, Albert Doda.

Katër prej të arrestuarve, u liruan nga qelitë pasi ishin mbi 60 vjeç, ndërsa një grua ishte shtatzënë. Një tjetër u lirua pasi ka djalin autik. Nga qelitë janë lënë të lirë: Ardian Kona, Rovin Zeqja, Enver Shima, Latif Mullahi, Lekë Ndoj, të cilët janë vendosur në arrest shtëpie, Malvina Deçka dhe Etleva Nova, Gjergj Bushaj, ndaj të cilëve është vendosur masa e sigurisë detyrim paraqitje.

Të arrestuarit akuzohen për veprat penale “Korrupsioni pasiv i personave që ushtrojnë funksione publike”, “Shpërdorimi i detyrës”, “Falsifikimi i dokumenteve”, “Mashtrimi” dhe “Grupi i strukturuar kriminal, kryer në bashkëpunim”. Nga hetimet ka rezultuar se përgjatë 5 viteve , nga viti 2013 e në vazhdim personat nën hetim kanë bashkëpunuar për të tjetërsuar tokën shtet përkundrejt përfitimit të vlerave të ndryshme monetare. a