Kadri Veseli firmos Ligjin për Prishtinën

Kryetari i Parlamentit të Kosovës, Kadri Veseli, ka firmosur sot Ligjin për Prishtinën, duke përmbushur kështu përgjegjësinë kushtetuese e ligjore.

Ligji për Prishtinën u miratua nga deputetët e Parlamentit të Kosovës më 17 maj 2018, me 61 vota pro dhe 1 abstenim. Ky Ligj, po ashtu, njeh edhe Prizrenin si kryeqytet Historik të Kosovës.

Kryeparlamentari Veseli, pas miratimit të Ligjit, deklaroi se me të ndihmohet zhvillimi i Prishtinës, me më shumë buxhet dhe kompetenca.

Pas firmosjes së Ligjit për Kryeqytetin nga ana e Kryeparlamentarit Kadri Veseli, ai duhet të dekretohet edhe nga presidenti i Kosovës Hashim Thaçi në afat prej 8 ditësh, për t’u shpallur më pas në Gazetën Zyrtare që nënkupton edhe hyrjen e tij në fuqi.