Kadri Veseli në Skenderaj, këtu në Drenicë i dhamë fund Serbisë
Kandidati për Kryeministër i PDK-së, Kadri Veseli, tha në Skenderaj se në Drenicë flet vetëm puna, këtu ku i dhamë fund Serbisë.
“E ka filluar herët më Ahmet Delia. E ka vazhduar Azem Galica. E ka vazhduar edhe Shaban Polluzha dhe ia ka prerë rrënjët më 1999 Adem Jashari,” tha Kadri Veseli, fjalët e të cilit u ndërprenë me brohoritje:
“UÇK, UÇK!”
Drenica, tha Kandidati për Kryeministër i Partisë Demokratike të Kosovës, është vendi i lirisë, sakrificës, i luftëtarëve të lirisë dhe heronjve ndërsa ka premtuar se me qeverisjen e PDK-së do të investohet shumë në Drenicë.
Edhe në Skenderaj Kandidati për Kryeministër i PDK-së, Kadri Veseli ka përsëritur premtimet e tij për luftim të korrupsionit, forcim të marrëdhënieve me SHBA-në, për rritjen e pensioneve, ndërtimin e çerdheve, etj.
