Kadri Veseli nga Prishtina: Të dielën do të fitojë Kosova dhe PDK-ja

Kandidati për Kryeministër i Partisë Demokratike të Kosovës, Kadri Veseli, tha në takimin përmbyllës elektoral në Prishtinë se të dielën do të fitojë Kosova dhe PDK-ja.

“Po iu them me vendosmëri se e di se çfarë i duhet Kosovës, e di çfarë duhet bërë për të riun dhe të moshuarin, për nxënësin, studentin. PDK gjithmonë ka ditur ta çoj Kosovën përpara edhe sot do të dimë si ta bëjmë. Oponentët tanë garuan vetëm me mesazhin kundër PDK-së, e ne në vend se të flisnim për ta folëm për luftën kundër krimit e korrupsionit. Ne folëm për krijimin e shanseve të barabarta, për zhvillimin ekonomik dhe krijimin e vendeve të punës. Ne folëm për partneritetin që do ta ndërtojmë me Amerikën.”

Të tjerët flasin kundër por PDK, tha Kadri Veseli, por Partia Demokratike e Kosovës do ta mbajë premtimin për luftën kundër korrupsionit, dhe do të vazhdojë të punojë për të mirën e vendit.

“Ky është fundi i fushatës por është fillimi i fushatës për një Kosovë ndryshe e cila fillon të hënën. Ne të gjithë jemi vëllezër e motra. Çështjet që na ndajnë janë shumë të pa rëndësishme përballë heshtjeve që na bashkojnë. Ne jemi më të fortë me miqtë tanë më të mirë, me SHBA, BE e Britaninë e Madhe.”

Kandidati për Kryeministër i PDK-së, Kadri Veseli, tha se Kosova është krenare me partneritetin e tyre me BE dhe SHBA-në, ndërsa e bëri të qartë ae në Kosovë nuk do të ketë vend për krim, korrupsion e padrejtësi.