Kafkën nuk ja thyen, por policia e tërhoqi zvarrë Kastriot Islamin

Policia e Tiranës ka shoqëruar në komisariat ish-deputetin e Partisë Socialiste, Kastriot Islami. Shoqërimi i Islamit është bërë tek Diga e Liqenit në Tiranë pasi u kap pa maskë Anticovid dhe kundërshtoi efektivët pasi i kërkuan kartën e identitetit

Kastriot Islami iu ka thënë se ka qenë duke bërë vrap nga liqeni, raporton BW, e se në aktivitetet sportive nuk është e detyrueshme maska dhe se për këtë arsye, nuk ka pasur edhe dokument identifikimi me vete.

Policia tha se Kastriot Islami u la i lirë por do të bëjë kallëzim ndaj ish-deputetit për “kundërshtim të forcave policore”. Ndërsa, Islami pretendon se deklaratat e efektivëve nuk janë të vërteta.

Sjellja kriminale e policisë, për qytetarët shqiptarë nuk është e panjohur kur socialistēt janë në pushtet; Fakt shumë i mirënjohur edhe për ish-deputetin Kastriot Islami.

Ndryshe, Kastriot Islami nuk njihet si një politikan që ka bërë ndonjë gjë të mirë në jetën e tij ndërsa kujtohet për kërkesën e tij për thyerje kafkash të rivalëve politik. Servet Pëllumbi duke kujtuar këtë moment në Ditarin e tij politik thekson se gjatë mitingut të mbështetësve të PS-së pas arrestimit të Fatos Nanos në 1993, kur turma po qetësohej në përpjekje për të frenuar konfrontimin me policinë, doli para turmës në miting dhe u shpreh:

“Ne atyre do t’ua thyejmë kafkat dhe do t’i tërheqim zvarrë nëpër bulevard!”.