Kallëzim për Ramën dhe Bolinon, Noka: SKAP-i i partisë ka frikë të shohë faktet!

Sekretari i Përsgjithshëm i Partisë Demokratike, Flamur Noka, ka bërë të ditur se ka kërkuar hetim penal për Edi Ramën, Anila Denajn, Carlo Bollinon, Engjëll Agacin dhe disa zyrtarë të tjere të lidhur me këtë procedurë antiligjore ndërsa bëri publike faktet që implikojnë zyrtarët e lartë të shtetit shqiptar ndërkohë Dumanët, Krajat dhe Millonajt e SKAP-it të partisë, refuzojnë jo vetëm ti shohin këto fakte por dhe t’i përmendin emrin në dosje Edi Ramës.

“Sali Berisha burgoset, sepse procedura e rikthimit të truallit tek pronarët legjitim zgjati 14 vite dhe në këtë procedurë nuk ekziston asnjë firmë e tij as dhe dëshmi kundra tij. Ndërkohë Edi Rama bën pronar me firmën e tij Carlon e vet brenda 24 orësh. Në dosjen e mbushur me trillime dhe mashtrime kundër Sali Berishës, ka vetëm një firme të jashtëligjshme dhe flagrante, dhe ajo është firma e vetë Edi Ramës si Kryetar Bashkie dhe ka vetem një person të denuar nga gjykata me 320 mijë euro për shkelje ligji, dhe ai është Edi Rama.

Ndërkohë që Dumanët, Krajat dhe Millonajt e SKAP-it të partisë, refuzojnë jo vetëm ta shohë këtë firmë, por kanë frike dhe t’i përmendin emrin në dosje Edi Ramës,” tha Flamur Noka duke vlerësuar se me kallëzimin penal prokurorët e SPAK e kanë punën të kryer dhe nuk do munden dot të fshehin asnjë emër dhe asnjë firmë, pasi faktet janë flagrante dhe të pamohueshme ndërsa përfundoi:

“Kemi kerkuar hetim penal për Edi Ramën, Anila Denajn, Carlo Bollinon, Engjëll Agacin dhe disa zyrtarë të tjere të lidhur me këtë procedurë antiligjore.”

Në fund, Sekretari i Përgjithshëm i Partisë Demokratike, se në çfarë faze janë negociatat me partitë e vogla opozitare dhe nëse Lulzim Basha do të jetë pjesë e frontit të gjerë opozitar:

“Me aletatët ne jemi në bisedime për të hedhur një tezë për krijimin e një federate. Sigurisht në kontaktin e parë që kemi është diskutuar dhe është lënë që të hartohet një platformë për të konceptuar idenë e bashkimit. Kur them për të bashkuar opozitën e kam thënë dhe e them që PD është e qartë në qendrimin e saj. Opozitë konsiderohet çdo forcë politike, çdo organiztarë OJF që në zhvillimin e kësaj shoqërie dhe demokracie dhe mbron demokracinë, dhe që bën opozitë me regjimin. Në rast se ju mendoni tjetër, kjo nuk është qasja e PD,” tha Sekretari i Përgjithshëm i Partisë Demokratike, Flamur Noka, duke sqaruar se kush janë ata që për PD nuk konsiderohen opozitë:

“Kur të flasin për çështjen e qeverisë dhe për ushtarët e saj mund të përfshijnë Bravën. Brava dhe Alibasha për ne nuk janë opozitë. E ndoqët dje intervistën e kryeministrit? Gjumë tha, do zgjohet nga gjumi. Të jeni të sigurt se sot do zgjohet nga gjumi. Pra, mori një urdhër indirekt nga televizioni dhe sot do zgjohet.”

Fjala e plotë:

Jam sot përpara jush për të informuar publikun për kallëzimin penal që kam depozituar dy dite më parë pranë Strukturës së Posaçme Kundër Krimit të Organizuar dhe Korrupsionit. 

Siç e dini tashmë, pasi është denoncuar disa herë dhe nga Kryetari i PDSH, Prof. Dr. Sali Berisha, ky kallëzim penal vjen si pasojë e të gjitha shkeljeve penale që ka kryer direkt Edi Rama dhe qeveria shqiptare në bashkëpunim me shtetasin Carlo Bollino.

Dua t’ju sqaroj në vija të përgjithshme, pasi në detaje do të flasë Belindi për këtë çështje, por në thelb kemi të bejme me një angazhim direkt të Edi Ramës, ministres Anila Denaj dhe qeverisë, por edhe te Erion Veliajt dhe Bashkisë Tirane, për t’i dhënë në kundërshtim me ligjet një pronë të destinuar për shkollë, Carlo Bollinos.

Bëhet fjalë për një sere ndryshimesh të VKM nr.54, të vitit 2014, 4 VKM  me referencë specifike kompaninë Bolino që vjedhin 1500 m2 toke të falur nga familja Begeja trashëgimtar i së cilës është z Malltezi. Bëhet fjalë për një vendim të KKT i firmosur nga Edi Rama dhe 1.4 milion euro para të taksapaguesve shqiptarë, që kanë shërbyer për të konvertuar Carlon në pronar të një prej mediave personale të pushtetit. Një media e cila e nis dhe e mbyll ditën me shpifje, sulme, baltosje dhe mashtrime kundër opozitës dhe Partise Demokratike.

Edhe pse i kane të gjitha pushtetet në dore, të gjitha firmat dhe vulat, të gjitha institucionet nën varësine e tyre, sërish Edi Rama nuk ka ndalur në avazin e tij të vjeter, falsifikimin dhe mashtrimin me dokumenta zyrtare të shtetit, vetëm e vetëm që t’i shtonte grupit të tij mediatik, edhe një media banale, si ajo që zotërohet nga Carlo Bollino.

Edi Rama e dinte shumë mirë që ajo pronë, ai truall prej 4,021 m2, nuk mund të merrej dot nëse ai nuk do të falsifikonte dhe do të urdhëronte Anila Denajn, të cilën e ka rikthyer sërish në kabinetin e hajdutëve, që të shkelte çdo ligj në sherbim të Carlos.

Faktet janë tronditese dhe ulëritese. VKM e jashtëligjshme të Carlos miratohen brenda 24 oreve. Kontratat e Carlos firmosen me falsifikime të renda. I zbardhet leja e ndërtimit mbi dokumenta të falsifikuara dhe i jepen milionat e eurove tendera nga AKSHI, që Carlo bëhet jo vetëm biznesmen, por edhe pronar televizioni dhe trualli.

Ndërkohë që pronaret e vërtetë te atij trualli, përndiqen, hetohen dhe burgosen, njësoj si në periudhen e errët të diktatures Hoxhiste, vetëm pse kanë rifituar ligjërisht 410 m2 tokë të rrëmbyer për 5 dekada nga regjimi komunist.

Sali Berisha burgoset, sepse procedura e rikthimit të truallit tek pronarët legjitim zgjati 14 vite dhe në këtë procedurë nuk ekziston asnjë firmë e tij as dhe dëshmi kundra tij. Ndërkohë Edi Rama bën pronar me firmën e tij Carlon e vet brenda 24 orësh. Në dosjen e mbushur me trillime dhe mashtrime kundër Sali Berishës, ka vetëm një firme të jashtëligjshme dhe flagrante, dhe ajo është firma e vetë Edi Ramës si Kryetar Bashkie dhe ka vetem një person të denuar nga gjykata me 320 mijë euro për shkelje ligji, dhe ai është Edi Rama. Ndërkohë që Dumanët, Krajat dhe Millonajt e SKAP-it të partisë, refuzojnë jo vetëm ta shohë këtë firmë, por kanë frike dhe t’i përmendin emrin në dosje Edi Ramës.

Në kallëzimin tonë penal, të cilin pas kësaj konference do t’ua vëmë në dispozicion të gjithë mediave, prokurorët e SPAK e kanë punën të kryer dhe nuk do munden dot të fshehin asnjë emër dhe asnjë firmë, pasi faktet janë flagrante dhe të pamohueshme.

Kemi kerkuar hetim penal për Edi Ramën, Anila Denajn, Carlo Bollinon, Engjëll Agacin dhe disa zyrtarë të tjere të lidhur me këtë procedurë antiligjore.

Pyetje – Përgjigje me gazetarë

Ermal Rizaj, Syri Tv: Përse e çoni në SPAK për këtë çështje të cilën e keni denoncuar për më shumë se një muaj kur ne keni besim tek ai organ i akuzës?

Noka: Ne jemi forca politike që beson tek ligji. Ne jemi ata që kemi votuar reformën në drejtësi, por jemi ne ata që kemi denoncuar me 6 ligjet që u votuan në mënyrë të njëanshme nga mazhoranca e Edi Ramës, kemi denoncuar kapjen e drejtësisë. Po kjo që po bëjmë ne nuk do të thotë që besojmë të SKAP-i.

Ne kemi detyrë të denoncojmë, dhe është një nga detyrat e opozitës, të denoncojmë çdo krim që konstatojmë, çdo krim që bëhet.

Tani shqiptarët kanë mundësi të shohin SKAP-in, a mund të devijojë nga qënia hanxhar, dhe këtë ne këtë shans do t’ia japin qytetarëve shqiptarë për të parë SKAP-in, a do të funksionojë vetëm si hanxhar apo do të devijojë nga qënia hanxhar në duart e Edi Ramës.

Jolldiz Mitro, Tv Klan: Z.Noka në çfarë faze janë negociatat me partitë e vogla opozitare të cilat në fund të vitit të kaluar propozuan një draft konkret për krijimin e një federate opozitare, dhe a është për ju vijë e kuqe e pakalueshme Lulzim Basha, dhe a do duhet të jetë dhe ai pjesë e frontit të gjerë opozitar?

Noka: Me aletatët ne jemi në bisedime për të hedhur një tezë për krijimin e një federate. Sigurisht në kontaktin e parë që kemi është diskutuar dhe është lënë që të hartohet një platformë për të konceptuar idenë e bashkimit. Dhe jemi në përpjekje të vazhdueshme për të bashkuar opozitën. Kur them për të bashkuar opozitën e kam thënë dhe e them që PD është e qartë në qendrimin e saj.

Opozitë konsiderohet çdo forcë politike, çdo organiztarë OJF që në zhvillimin e kësaj shoqërie dhe demokracie dhe mbron demokracinë, dhe që bën opozitë me regjimin.

Në rast se ju mendoni tjetër, kjo nuk është qasja e PD. Është e qartë. Kur të flasin për çështjen e qeverisë dhe për ushtarët e saj mund të përfshijnë Bravën. Brava dhe Alibasha për ne nuk janë opozitë.

E ndoqët dje intervistën e kryeministrit? Gjumë tha, do zgjohet nga gjumi. Të jeni të sigurt se sot do zgjohet nga gjumi.

Pra, mori një urdhër indirekt nga televizioni dhe sot do zgjohet. Flasim për faktorët opozitarë, jo për faktorët qeveritarë.

– Dje nga Lezha kryeministri Rama e bëri të qartë që nuk ka ndërmend të tërhiqet nga ligjet e bëra në komisionet hetimore. Me nisjen e sesionit të ri parlamentar ditën e hënë, cili do të etë qendrimi juaj dhe a do ta përshkallëzoni mosbindjen civile pas kësaj deklarate të kryeministrit?

Noka: Ne nuk kemi patur ndonjëherë shpresë se Edi Rama mund të ndryshojë. Edi Rama është ky që është. Po të mos ishte ky që është Shqipëria nuk do të mbërrinte në këtë pikë që të kishte një demokraci të rrënuar që të kishte instalimin e një diktature, që të kishte korupsion galopant, që të kishte një krim të organizuar që drejton shtetin dhe që të kishte një Shqipëri të shpopulluar.

Pra, njeriu që fshihet  prapa të gjitha këtyre është Edi Rama. Tani askush nuk ka pritur që Edi Rama të bëjë një hap drejt bashkëpunimit me opozitën. Është njeriu i cili fshihet pas çdo akti për të likujduar opozitën. Është njeriu që fshihet pas çdo gjëje të zezë në këtë vend.

Tani ne do të vazhdojmë. Kuvendi Kombëtar i PD miratoi një rezolutë. Rezoluta qartëson shumë mirë rrugën e forcës tonë politike Aksioni opozitar dhe mosbindja civile në palrament, aksion opozitar dhe mosbindje civile në terren.

Rruga e vetme të cilën ne do ta ndjekim. Nuk na ka lënë Edi Rama asnjë rrugë tjetër dhe ne do të vazhdojmë në vetëm në këtë rrugë deisa ta gjunjëzojmë dhe ta rrëzojmë Edi Ramën dhe regjimin e tij kriminal. Të gjitha përpjekjet që po bëhen edhe brenda opozitës edhe bashkimi i PD, jo vetëm si bashkim grupi, por fuzioni brenda të gjitha strukturave të PD edhe i kolegëve tanë ka këtë synim që t ëjemi bashkë në këtë aksion dhe mosbindje civile për të rrëzuar këtë regjim.

Nuk shpreson kush te Edi Rama. Te Edi Rama shpreson vetëm mafia, krimi i organizuar dhe qeveritarët e tij.

– Sa i takon asaj që ka deklaruar z.Rama ditën e djeshme ka lënë të nënkuptohet se reforma zgjedhore mund të bëhet dhe pa një komision të përbashkët, çështje për të cilën ju keni protestuar në seancat parlamentare. Do të punoni ju që deputetët që janë me z.Basha të vijnë në grupimin tuaj për të mos lejuar dhe numrin e votave që z.Rama mund të bëjë, në qoftë se do ketë negociatë me z.Basha?

Noka: Ne kemi bërë punë të madhe për bashkimin e PD dhe të opozitës dhe po vazhdojmë ta bëjmë. Jemi të hapur në këtë pikë dhe çdo individ tjetër që është demokrat dhe opozitar, përjashto Bravën dhe Alibashën, do jetë pjesë e punës tonë për t’u bashkuar dhe për të krijuar frontin apo federatën kundër këtij regjimi kriminal që kemi përballë.

Në këtë bashkim, përjashtohen vetëm dy pengjet, njëkohësisht mercenarët e Edi Ramës.