Kallëzon në SPAK Edi Ramën, PD: Dëmi ekonomik për turin me diasporën, 2 mln euro!

Partia Demokratike ka kallzuar në SPAK, Kryeministrin Edi Rama! Sekretari për Diasporën në PD, Indrit Hoxha, sqaroi para Prokurorisë së Posaçme pasi dorëzoi kallëzimin se dëmi ekonomik që i shkaktohet buxhetit nga të pesë takimet e planifikuara të Edi Ramës është 2 milionë euro.

“Ftesë për Ramën, nëse ka seriozisht turin le të vijë me mua në kampin në Francë për të parë ku i ka dëbuar shqiptarët.

Rama nuk mund të manipulojë shqiptarët, atë që ka bërë me shqiptarët kërkon ta bëjë me diasporën.
Takimi i Ramës në Greqi u bë me taksat e shqiptarëve,” tha Indrit Hoxha duke vlerësuar se kjo nuk është normale për sa kohë ai ikën në takime nën petkun e kreut të PS jo si kreu i qeverisë ndërsa përfundoi:

“Shifrat kalojnë mbi 2 mln euro për të pesë takimet që Rama do të zhvillojë, por përvecc vlerës ekonomike është edhe përdorimi i administratës. Rama nën në cilësinë e kryetarit të PS jo si kryeministër.”

Ndërkohë Kryeministri Edi Rama për të dëshmuar se nuk e vret mendjen për asnjë kallëzim që bëhet në emër të tij dhe vazhdon takimet tashmë duke paralajmëruar takimin e radhës më 26 Maj në Itali!