Kambanë alarmi, Basha: Vendi në prag të kolapsit nga COVID-19! SPAK të nisë hetimet…
Për shkak të rritjes së shifrave nga pandemia e koronavirusit ndërsa situata po thellohet nga dita në ditë, Kryetari i Partisë Demokratike, Lulzim Basha, tha se Shqipëria ndodhet në prag të kolapsit të vërtetë ndërsa Edi Rama vijon neglizhencën dhe nuk zbaton Planin me 5 Pika të propozuar nga opozita.
“Dua në këtë moment të parë, në emrin tim personal dhe të opozitës, t’i ofroj ngushëllime familjeve të të gjithë viktimave dhe t’iu shpreh solidaritetin tim njerëzor gjithë familjeve që po vuajnë me të afërmit e tyre të shtruar apo të karantinuar në shtëpi. Është një gjendje që po vjen duke u thelluar, është një krizë, një kolaps i vërtetë, që kërkon domosdoshmëri urgjente për të ndërmarrë hapa që opozita dhe unë personalisht i kemi formalizuar në planin me 5 pika. Nuk mund të shpreh revoltën nga shpërfillja që qeveria iu bën qytetarëve, ndërkohë që shifrat rriten. Të sëmurët me diagnoza të tjera e gjejnë veten mes dy zjarreve.”
Kjo qeveri dhe ky kryeministër gënjen, tha lideri i Opozitës së Bashkuar, kanë gënjyer 6 muaj për pandeminë, për shifrat, për trajtimin, ndihmën, por që të vazhdojnë të gënjejnë ditë për ditë, në vend që të marrin masa:
“Kjo duhet të jetë një kambanë që s’duhet të resht së bjeri nga mëngjesi deri në darkë. Kemi shpalosur Planin me 5 pika për t’u përballur me aspektin shëndetësor dhe ekonomik të krizës që po thellohet. Ne nuk shpikëm rrotën, por morëm buxhetin e shtetit dhe pamë si po shpenzohen paratë e shqiptarëve për të mbushur xhepat e mafiozëve, që i ndajnë pastaj me Ramën. Iu them ‘për hir të shqiptarëve ndaleni këtë barbari tani dhe çojini këto lekë aty ku duhen’. Paratë e taksapaguesve kurrë më shumë se sot nuk janë të domosdoshme për të ndihmuar ata njerëz, që numërojnë kacidhet për të blerë ilaçe, që janë në kufirin e dëshpërimit absolut,” tha Lulzim Basha dhe pas denoncimit të djeshëm mbi mafien e plehrave sot i bëri thirrje medias të refuzojnë paratë e kësaj mafie pasi një pjesë e medias censuroi denoncimin për maifen e inceneratorëve, Edi Rama, Arben Ahmetaj, Erion Velaij dhe Klodian Mertiri.
“Nuk është kurrë vonë për t’u penduar dhe refuzuar këtë mëkat, këtë haram. Ato para mund të shmangnin këtë katastrofë, tavolinat bosh të fëmijëve që shkojnë me barkun bosh për të fjetur e çohen me barkun bosh për të shkuar në shkollë. Refuzojini paratë e Mafies dhe denonconi aferën më të madhe kriminale në 30 vite: 400 milionë euro të shqiptarëve!
Për mafia e plehrave. Nuk është kurrë vonë për t’u penduar dhe refuzuar këtë mëkat, këtë haram! Paratë e shqiptarëvë në kohë pandemie në xhepat e Mafies së plehrave të Edi Ramës, Arben Ahmetajt, Erion Veliajt me shokë,” tha Lulzim Basha ndërsa citoi raportet e Ministrisë së Finanve dhe KLSH, i bëri thirrje SPAK të nisë urgjentisht hetimet për aferën 400 milionë euro të mafies së plehrave.
“Vetë Ministria e Financave në një raport të publikuar dhe të marrë nga një media e shkruar, që ka pasur guximin ta publikojë , tregon qartë se vetëm një përqindje e vogël e parave që kanë marrë nga taksat, është raportuar si e investuar ga kjo Mafie. E kuptoni çfarë po ndodh apo jo?!
Vendet e tjera kanë shkuar deri në ndalimin e investimeve publike, që paratë t’i çojnë tek shëndetësia. Këta në mes të pandemisë vazhdojnë të vjedhin haptazi.
Edhe KLSH ka konstatuar thotë: nga 75 milionë euro që u janë paguar deri tani, inceneratorit të Fierit, Tiranës, Elbasanit, vetëm një pjesë e vogël raportohet edhe zyrtarisht, është investuar! Ku kanë shkuar të tjerat?!” tha Kryetari i Partis Demokratike, Lulzim Basha, duke përfunduar:
Kjo është një pyetje për strukturën e posaçme antikorrupsion SPAK dhe sot jo për herë të parë as të dytë po i drejtohem përsëri Strukturës së Posaçme Antikorrupsion: Justifikoni ekzistencën tuaj!”
