Kampionati Europian i Hendbollit/ Spanjë, kroatët: Kosova Republikë!

Franca shpallet kampion i Europianit të Hendbollit për grumposhat U21, i cili u mbajtë në Spanjë.

Në këtë kampionat për herë të parë në histori mori pjesë edhe Përfaqësuesja U21 e Kosovës. Ky kampionat u veçua edhe me disa skandale nga nikoqirët.

Në ndeshjen Kosovë – Kroaci ata nuk kishin shfaqur flamujt e dy vendeve, dhe kjo padyshim që u cilësua si diçka skandaloze.

Kroacia arriti deri në finale, por në finale pësuan humbje nga Franca me rezultatin 28-23. Pas ndeshjes, tifozët kroat bllokuan rrugët e Spanjës dhe konfirmuan përkrahjen e tyre për Kosovën. Në një formë ata iu hakmorën spanjollëve për injorimin e bërë ndaj Kroacisë e Kosovës.

Kroatët kanë dalë rrugëve të qytetit të Vigos duke bërtitur “Kosova Republikë”.