Kancelari Nehammer: Austria, urë mes Kosovës e 5 vendeve të BE që nuk e kanë njohur!

Pas takimit me Kryeministrin e Kosovës, Albin Kurti, në Vjenë, Kancelari i Autrisë, Karl Nehammer tha se diskutuan për shumë çështje, duke nisur që nga koha e Erhard Busek, për mbështetjen e dhënë për pavarësinë e Kosovës, e deri tani  tek liberalizimi i vizave për kosovarët.

“Liberalizim që do të ndodhë më 1 janar 2014,” tha kancelari Nehammer duke folur dhe për prodhimin e energjisë së pastër,  ku Austria  është e interesuar të ndihmojë.

“Është shumë e rëndësishme që Austria të jetë urë mes Kosovës dhe vendëve që nuk e kanë njohur pavarësinë e saj, në mënyrë që siç është edhe për të gjitha vendet e tjera, e mirëpret anëtarësimin e saj në BE”.

Kancelari Nehammer foli edhe për bashkëpunim mes dy vendeve në fusha të tjera, sikurse rasti i i sulmit në Vjenë, ku policitë e të dy shteteve, tha se kanë pasur një koordinim shumë të mirë.

“Kemi zgjëruar edhe bashkëpunimin ekonomik”, tha Kancelari Nehammer ndërsa për çështjën e dialogut mes Kosovës e Serbisë, shtoi se Austria është e gatshme të ndihmojë në pikat ku ka ngecje.  

Ndërsa Kryeministri Albin Kurti, pasi rikujtoi se Austria është vizita e tij e parë zyrtare jashtë shtetit në këtë vit, tha se nuk ka më mirë sesa kjo të fillohet nga qyteti i bukur i Vjenës, vendit të mendimtarëve e kompozitorëve të mëdhenj.

“Austria është një portë hyrëse në BE për vendet e Ballkanit Perëndimor,” tha Kurti, duke shtuar se  Austria është mike e partnere e rëndësishme për Kosovën.

“Ky vend na ka ndihmuar në betejën tonë për çlirim e rrugën tonë drejt paqës, bashkë me ushtarët që kanë shërbyer në forcat e  KFOR-it në Kosovë,” tha Kurti duk eshprehu rmirërnjohje.

“Që nga vitet e 70-ta e deri në të 90-ta, Austria është bërë shtëpi e shumë bashkatdhetarëve tanë që kanë ikur nga lufta e dhuna, e ku tani në këtë shtet jetojnë  rreth 70 mijë qtyterarë,” tha Kurti duke i cilësuar si ambasadorë të Kosovës në Austri.

“Pra ne nuk kemi vetëm një ambasdador këtu”.

Kreu i Qeverisë u shpreh se Kosova është e kënaqur të qëndrojë në këtë shteg të zgjërimit të marrëdhënieve, pasi në më pak se dy dekada më parë, Vjena ishte dëshmitare  e negociatave të vështira e kompromiseve të dhimbshme që çuan të pavarësinë e Kosovës.

“Pas një muaji do të shënojmë 15 vjetorin e pavarësisë. E tani, kemi Kushtetutë moderne e evropiane, më të drejtat më të avancuara për komunitetet tona në Evropë e më gjërë,” tha Kryeministri i Kosovës duke rikujtuar diplomatët austriakë që kanë mbështetur Kosovën, dhe tani janë  zëri i  arsyes.

“Në vlerësojmë mbështetjen e Austrisë për aplikimin tonë për anëtarësim në BE dhe bazuar në vlerësimet e pavarura, pasi Kosova është vendi më demokratik në rajon.

BE-në do ta ndërtojmë brenda vendit tonë pasi me BE-në,  ndajmë vlerat e përbashkëta, aspirojmë anëtarësim në Këshill të Evropës  dhe dua të falendëroj kancelarin për mbështetjen e tij,” tha kryeministri Albin Kurti dhe duke sjellë në vëmendje agresionin rus mbi Ukrainë, tha se i kishte shpjeguar kancelarit,  disa nga ndikimet keqdashëse.

“Kosova ka dënuar menjëherë këtë agresion dhe i është bashkuar sanksioneve të BE-së ndaj  Rusisë, pasi gjithashtu kemi strehuar 12 gazetarë dhe u kemi ofruar kushte për punë.”.

Derisa rikujtoi se Kosova ka ofruar të strehojë deri 5 mijë refugjatë ukrainas, kryeministri Kurti u shpreh se kancelarin Nehammer e ka informuar për qasjen pro-aktive e konstruktive të Kosovës në raport me dialogun me Serbinë.

“Dialog që do të duhej të çonte në marrëveshje gjithpërfshirëse me njohjen reciproke në qendër”, tha Kurti, duke e ftuar edhe publikisht kancelarin Nehammer që të vizitojë këtë vit Kosovën.