Kancelarja Merkel e shqetësuar rreth debatit për kufirin Kosovë-Serbi
“Debatin rreth ndryshimit të kufijve edhe unë, sikurse ju po e përcjell me shqetësim të madh!” Kështua shkruan ndër të tjera Kancelarja gjermane Angela Merkel në letrën drejtuar kryetarit të LDK-së, Isa Mustafa duke e falënderuar për informacionet lidhur me qëndrimet e tij rreth dialogut në mes të Serbisë dhe Kosovës.
“Edhe nga këndvështrimi im është shumë me rëndësi që Kosova të vazhdojë dialogun me Serbinë me ndërmjetësim të Bashkimit Evropian dhe të shtyjë përpara normalizimin e marrëdhënieve. Debatin rreth ndryshimit të kufijve edhe unë, sikurse ju po e përcjell me brengosje të madhe,” citon LDK përmes një njoftimi Kancelaren Merkel ndërsa për liberalizimin e vizave ajo shton:
“Unë jam e vetëdijshme sa e rëndësishme është arritja e udhëtimeve pa viza për qëllime turizmi për vendin tuaj. Thelbësore për Gjermaninë në këtë rast është plotësimi pa përjashtim i të gjitha kritereve, para se mund të jepet liberalizimi i vizave. Konsultimet e shteteve anëtare të BE-së rreth kësaj çështjeje janë duke vazhduar”.
Ndyshe, Lidhja Demokratike e Kosovës, përmes një njoftimi sqaron se Isa Mustafa kishte njoftuar, në fund të muajit shtator të këtij viti, Kancelaren Gjermane Angela Merkel dhe Ministrat e Punëve të Jashtme të të gjitha vendeve të BE-së lidhur me qëndrimet e LDK-së për dialogun ndërmjet Kosovës dhe Serbisë. Një reflektim në këtë letër Isa Mustafa e pranoi para disa ditësh edhe nga Ministri për Punë të jashtme dhe tregti të Hungarisë, z. Peter Szijarto.
Njofitimi i LDK
Kryetari i LDK-së merr letër nga Kancelarja Gjermane, Angela Merkel
Prishtinë, 2 nëntor 2018
Me këtë letër Kancelarja Merkel e falënderon Kryetarin e LDK-së, z. Isa Mustafa për shkresën e dt. 28 shtator 2018, me të cilën e kishte njoftuar lidhur me qëndrimet e tij rreth dialogut në mes të Serbisë dhe Kosovës.
Kancelarja Merkel thekson se “edhe nga këndvështrimi im është shumë me rëndësi që Kosova të vazhdojë dialogun me Serbinë me ndërmjetësim të Bashkimit Evropian dhe të shtyjë përpara normalizimin e marrëdhënieve. Debatin rreth ndryshimit të kufijve edhe unë, sikurse ju po e përcjell me brengosje të madhe”, porosit Kancelarja Merkel.
Duke trajtuar çështjen e liberalizimit të vizave të adresuar nga shkresa e Kryetarit të LDK-së, Kancelarja Gjermane Angela Merkel shkruan: ”Unë jam e vetëdijshme sa e rëndësishme është arritja e udhëtimeve pa viza për qëllime turizmi për vendin tuaj. Thelbësore për Gjermaninë në këtë rast është plotësimi pa përjashtim i të gjitha kritereve, para se mund të jepet liberalizimi i vizave. Konsultimet e shteteve anëtare të BE-së rreth kësaj çështjeje janë duke vazhduar”.
Kryetari i Lidhjes Demokratike të Kosovës, Isa Mustafa kishte njoftuar, në fund të muajit shtator të këtij viti, Kancelaren Gjermane Angela Merkel dhe Ministrat e Punëve të Jashtme të të gjitha vendeve të BE-së lidhur me qëndrimet e LDK-së për dialogun ndërmjet Kosovës dhe Serbisë. Një reflektim në këtë letër Kryetari Mustafa e pranoi para disa ditësh edhe nga Ministri për Punë të jashtme dhe tregti të Hungarisë, z. Peter Szijarto.
LDK – Zyra për Informim
