Kancelarja Merkel në Shkup për të inkurajuar suksesin e referendumit

Vizita e kancelares gjermane, Angela Merkel sot në Maqedoni vlerësohet si historike, për shkak të momentit në cilin ndodhet vendi.

Maqedonia më 30 shtator voton në referendum për Marrëveshjen me Greqinë, nga e cila edhe varet integrimi në NATO dhe Bashkimin Evropian. Suksesi i referendumit hap rrugën për anëtarësimin në Aleancë nga e cila edhe ka marrë ftesën ndërsa që të nisë edhe bisedimet për anëtarësimin në BE.

Gjatë takimeve të kancelares gjermane me drejtuesit e institucioneve në Shkup, pikërisht rëndësia e suksesit të referendumit do të dominojë agjendën e bisedimeve.

Kancelarja gjerman është takuar disa herë me kryeministrin Zoran Zaev, në kuadër të disa tubimeve ndërkombëtare.

Në shkurt, kryeministri Zaev është pritur nga Berlin nga zonja Merkel e cila ka inkurajuar dy palët, maqedonase dhe greke që të gjejnë kompromis për emrin. Zaev dhe Merkel janë takuar edhe në kuadër të samitit të NATO-së kur edhe Aleanca i dha ftesën për anëtarësim në NATO.

Angela Merkel është kancelarja e parë gjermane që viziton Maqedoninë, pas vizitës së shkurtër të kancelarit, Gerhard Shreder në vitin 1999 për shkak të krizës në Kosovë./RFE/