Kandidatët e LVV në 25 Prill, Kurti: Shqiptarët kanë nevojë për ndryshim!

Pasi prezantoi në Tiranë kandidatët për deputetë të Lëvizjes Vetëvendosje për zgjedhjet e 25 prillit në Shqipëri, Kryetari i LVV, Albin Kurti tha se shqiptarët e Shqipërisë dhe ata të Kosovës kanë nevojë për ndryshim.

“Ju falënderoj që i jepni përgjigjur pozitivisht kërkesës sonë. E falënderoj qendrën e Vetëvendosjes në Tiranë dhe Boiken Abazin. Këtë pranverë mbushen 15 vite që njihem me Boikein, ai është një aktivist i pa thyeshëm dhe njeri i pa korruptueshëm. Shqiptarët kanë nevojë për ndryshime dhe ata të Kosovës. Shqiptarët e pakënaqur janë shpresa e Shqipërisë, rrjedhimisht dhe e jona. Ne nuk i dallojmë ata. Hallet e tyre të veçanta janë më ta mëdha. Unë do të kem marrëdhëniet më të mira që ka pasur një kryeministër me Shqipërinë. Do të nis takime. Do të takojë edhe këtu zyrtarë shtetëror,” tha Albin Kurti duke bërë të ditur se do të jetë për 3 ditë në Shqipëri duke do të prezantoj 3 kandidatët e Lëvizjes vetëvendosje ndërsa shtoi:

“Do të sjellim drejtësi për qytetarët. Do të trajtojmë të gjitha pretendimet. Gjykata Speciale në Hagë merret vetëm me luftëtarët e UÇK. Ne do të kemi gjykata brenda Kosovës. UÇK ka bërë luftë të drejtë, të pastër. Nëse ka pretendime nga ndonjë ndërkombëtar për individë të UÇK ne do të kemi një sistem ë ri që do t’i trajtojë me prioritet ato raste. Ne jemi bashkë me luftëtarët e UÇK, ata janë me popullin e Kosovës. Prej 20 mijë të veteranëve, janë klasë e mesme, pasi një pjesë e tyre vazhdojmë të ngelen të varfër.”