Kandidatët në Komisionin e Jashtëm, Alizoti: Duhet të jesh mik me Ramën që të shkosh ambasador!

Për të që qenë ambasador i Shqipërisë duhet të jesh mik Kryeministrin, tha sot në seancën dëgjimore gjatë prezantimit të kandidatëve për ambasadorë në Komisionin për Politikë të Jashtme, deputeti i Partisë Demokratike, Tomor Alizoti, ndërsa kishte vërejtje dhe për kohën e gjatë të shërbimit duke i krahasuar me shtetet si Somalia dhe Ruanda

“Duhet të jenë miq me kryeministrin që të shkojnë ambasador. Mund të ketë në një vend të Ballkanit preferenca politike, por nuk mund të lihet ministria e jashtme jashtë loje. Ndihem keq dhe më vjen keq për kolegët e ministrisë së jashtme. Ata janë të anashkaluar. Mirë do ishte që komisioni të ishte kritik. Shkëmbimi i vendeve, të gjithë ambasadat flasin gjuhën gjermane. Shqipëria ka ambasadorët me kohë më të gjatë që rrinë në një pozicion, si në Somali, Ruanda etj.” tha Tomor Alizoti i cili për dallim nga bedelët e Lulzim Bashës që vazhdojnë me superlativat për kandidatët e përzgjedhur të Kryeministrit Edi Rama, të ishte shumë kritik madje edhe me akuza:

“Ambasadori duhet të jetë si kryeministri apo presidenti i vendit këtu. Ke frikë ti pyesësh për kufijtë dhe pyetje të tilla pasi nuk dinë të përgjigjen,” tha Tomor Alizoti si ish-diplomat duke ruajtur këtë status të vlerësuar në botën e civilizuar.