Kandidati i “Shtëpisë lirisë” në Durrës, Muka: Kërkoi votën tuaj, për të sjellë ndryshimin e madh!
Kandidati i koalicionit “Shtëpia e Lirisë” për Kryetar të Bashkisë Durrës në zgjedhjet e 6 Marsit, Ardian Muka, pasi u prezantua nga lideri historik i PD, Sali Berisha, duke kërkuar votën e durrsakëve për të sjellë ndryshimin e madh tha se ky takim konfirmon entuziazmin dhe optimizmin që ai vetë kishte që në ditën e parë të këtij rrugëtimi që pritet të finalizohet me sukses në 6 mars.
Duke e konsideruar si një qytetar që mishëron vlerat më të mira të qytetarisë së këtij qyteti, lideri historik i PD, Sali Berisha, tha se vijmë sot për të kërkuar votën e durrsakëve me bindjen më të thellë se vota e tyre për Ardian Mukën do të jetë një votë e rëndësishme, jo vetëm për Durrësin por për mbarë Shqipërinë.
“Kush e njeh Ardi Mukën ka për të vetëm fjalë të mira. Një qytetar që mishëron vlerat më të mira të qytetarisë së këtij qyteti, një demokrat që në të gjithë ecuirinë e tij qëndroi besnik idealeve demokratike, një biznesmen i suksesshëm, një qytetar i ndershëm, mbi të gjitha siç e tha vetë, një njeri që adhuron qytetin e tij, por para së gjithash qytetarët e Durrësit dhe të rrethinave të këtij qyteti. Ne vijmë sot për të kërkuar votën e durrsakëve me bindjen më të thellë se vota e tyre për Ardian Mukën do të jetë një votë e rëndësishme, jo vetëm për Durrësin, për qytetin, rrethinat e tij, por do të jetë një votë shumë e rëndësishme për mbarë Shqipërinë. Shqipëria dhe shqiptarët sot e kanë jetik ndryshimin.
Nëse ne mendojmë një moment këto 8 vite, atëherë jam i bindur se ajo që kemi nevojë për çdo tjetër është ndryshimi, para së gjithash, ndryshimi. Ne na duhet ndryshimi sepse në rast se i hedh një vështrim kësaj treve, këtij qyteti, portit, fushave përreth, trashëgimnisë mahnitëse, historike të qytetit, vështirë se mund të gjesh kund një territor në të cilën natyra dhe zoti të ketë qenë më bujar se me Durrësin,” tha Sali Berisha duke shtuar:
“E me gjithë këtë shtatin mijëra vjeçarë të këtij qyteti të mrekullueshëm, brigjet e tij, i gërryen çdo ditë, çdo javë, çdo muaj, jo erozioni, por betoni. Betoni nga lakmia, nga babëzia e papërmbajtur e një grupi njerëzish që i janë përveshur Durrësit në kurriz dhe duan të pasurohen me çdoi kusht, duke varrosur pasurinë e tij përrallore, duke i shndërruar plazhet mahnitëse në zona udhëtimi në horror, siç do të thoshte disa vite më parë një i huaj për plazhin e Durrësit.”
Grabitja e Portit Durrësit nga dyshja kriminale Rama-Basha ishte temë e pashmangshme me këtë rast, grabtije që sipas Berishës nuk i ka ndodhur këtij qyteti në 3 mijë vite. Gjithsesi, lideri historik i PD i bëri thirrje durrsakëve që të mos blejnë asnjë m2 nga mafia Rama-Basha, të cilët kanë filluar të sheshin sipërfaqe ndërtimi në Portin e Durrësit.
“Në 8 vite në Durrës, ka ndodhur vetëm beton, Gjush, Gjush, beton dhe asgjë tjetër. Së fundmi, në një akt të pashembullt në 3 mijë vite, Edi Rama dheLulzim Brava i vërsulen Portit të Durrësit. Në 3 mijë vite, Durrësi ka njohur edhe mynxyra, ka njohur pushtues të egër, tërmete të rënda, por edhe cuname. Durrësi në të gjitha kohërat është ringjallur nga Porti, Porti ka qenë burimi i forcës njerëzore të këtij qyteti. Në një farë mënyrë, Porti në të vërtetë ka qenë si të thuash një objekt i shenjtë për këtë qytet dhe vjen një ditë, gjejnë një arab multimiliarder, na thonë se Portin e merr Emaar-i se do ta bëjë si Dubai.
Porti i Durrësit në 3 mijë vite, gjithnjë ka qenë i ngjitur me qytetin dhe këtë e dinë të gjithë, por në vitin 2012 u bë projekti, dhe jo kaq i kushtueshëm, ku nëpërmjet thellimit Porti merrte anije 40-50 mijë tonëshe, të mjaftueshme për Shqipërinë. Por që të kryesh një veprim të tillë, pa i pyetur qytetarët e Durrësit që e kanë atë simbol të ekzistencës së tyre, krenari të historisë së tyre, asnjë pushtues nuk do ta bënte këtë. Edhe pushtuesi më i egër do të thoshte, dale, nuk jam i përjetshëm dhe këtë të mos e bëj unë. Këtë e bën Edi Rama me Lulzim Bravën sepse duan me çdo kusht të pasurohen,” tha Ish-Presidenti Sali Berisha duke u shprehur qartë para demokratëve durrsakë se vendimi për Portin e Durrësit duhet të jetë votim juaj:
“Ta supozojmë se qytetarët e Durrësit në një referendum do të shprehen që Porti të transferohet në Porto Romano dhe këtu të mbetet Port Jahtesh, ky vendim do të respektohej nga çdo qeveritar. Por me një kusht që 800 e ca mijë m2 që janë aty, aty durrsakët kanë nga eshtrat e qindra brezave të tyre, lumenjtë e djersës të paraardhësve dhe të vetë atyre, ato janë pronë e tyre, ato s’mund të jenë kurrë pronë e kompanisë Rama-Basha, por janë pronë e qytetarëve të Durrësit. Çfarë na del tani, që Emaar-i ishte vetëm kallp, i cili pasi krijoi kompaninë me menaxher atë të kompanisë së Lul Bravës, tani thotë nuk jam më, ia shita thotë kompanisë Rama-Basha.
Cila është kjo kompani që i bleu Emaar-it aksionet. Emri i saj është fshehur në shpellat offshore të parave të pista dhe të mafies. Absolutisht është Edi Rama dhe Lulzim Brava. Vendimi për Portin duhet të jetë votim i juaji, duhet ju të votoni për fatin e Portit tuaj,” tha lideri historik i PD, Sali Berisha duke bërë thirrje:
“Por ju bëj thirrje, mos blini asnjë m2 nga mafia Rama-Basha që kanë filluar të shesin sipërfaqe ndërtimi. Gjithçka do t’i nënshtrohet një procesi transparent përpara jush, përpara shqiptarëve, Porti është i qytetarëve të Durrësit.”
Durrësi, tha Kandidati i koalicionit “Shtëpia e Lirisë” për Kryetar të Bashkisë Durrës, Ardian Muka është dashuria për qytetin tim që më ka lidhur me qytetin tim, përgjegjësia dhe nuk ka qënë politika që më ka lidhur me qytetin
“Ju falënderoi të gjithëve dhe më keni entuziazmuar pa masë. Unë jam njëri prej jush, një qytetar durrsak dhe jamë para jush të kërkoi votën tuaj për të sjellë ndryshimin e madh. Takimet me ju më konfirmojnë entuziazmin dhe optimizmin që unë kisha që në ditën e parë të këtij rrugëtimi të cilën synojmë ta finalizojmë me sukses në 6 mars, por jo për të ndaluar aty.
Së bashku e kemi përjetuar Durrësin në ditët e tij më të vështira, kur modeli i së keqes u kthye në projektin 22 vjeçar të shkatërrimit të qyteti tonë.
Unë besoj se mund të ketë një moment të dytë më të mirë që të marim përsipër përgjegjësitë politike dhe qytetare që e kapërcejnë interesin personal dhe që meren me interesat tona, të cilat do të ulen në tryzezën e përbashët në datën 6 mars.
Është Durrësi është dashuria për qytetin tim që më ka lidhur me qytetin tim, përgjegjësia dhe nuk ka qënë politika që më ka lidhur me qytetin. Ne jemi dëshmitarë të një pushteti që e ka keqqeverisur Durrësin. I ka nënshtruar durrësakët para emigracionit masiv, korrupsioni, koncesioneve, kompromiseve në dëm të qytetarëve të firmosura në emër të tyre por jo në interes të tyre.
Aksionerët e këtij qyteti duhetë jeni ju sepse ju me votën tuaj keni të gjithë pushtetin për të rimarr vëmendjen që Durrësi meriton. Vota juaj është përgjegjësi aq sa edhe premtimi im është përgjegjësi.
