Kandidatja nga “Alienët e Lashtësisë” së Edi Rama

nga Ermal Ngjelina

Jemi futur në fushatë zgjedhore dhe votuesi duhet të informohet se kë duhet të votojë dhe për çfarë do votojë. E në kushte normale fokusi i “korporatave” konkurente të tregut politik duhej të ishte te profilet e individëve dhe programet e politikëbërjes së secilës prej partive që ata përfaqësojnë.

Fatkeqësisht duket se është aksiomë shprehja “Shqipëria vend shumë i vogël që prodhon shumë ngjarje”. Ngjarje të cilat shpërqëndrojnë fokusin e konsumatorit të informacionit nga tema qendrore që duhet të jetë punësimi, ekonomia, shëndetësia e arsimi dhe çojnë tek shfaqe limonata që janë thjesht në funksion të argëtimit.

Super producenti dhe superhallexhiu në këtë rast është Edi Rama. Ai gjendet në pikën me të ulët të mbështetjes popullore dhe i qartë për këtë pozicion si dhe thellësisht i dëshpëruar për humbjen e benefiteve të kryeministrit, ka vendosur të bëjë tentativën e fundit për të ruajtuar statuskuonë.

Ai ka vendosur në axhendën e vet që; herë të bëjë rolin e majmunit të cirkut që hidhet nga një degë në tjetrën, dhe herë tjetër rolin e zvarranikut që zvarritet për të dëshmuar nënshtrimin dhe bindjen ndaj një zvarraniku më të madh, sepse në botën e zvarranikëve më i madhi ha të voglin.

Kryeministri në ikje “chimped out” * (Chill man! Chill out!) me Elbasanin si kundërpërgjigje ndaj ngjarjes historike të Kavajës ku turma me sjelljen e saj përcaktoi kreun e opozitës si kryeminsitrin e radhës.

Për shkak të dembelizmit tipik Otoman që shprehet në mungesën e vullnetit për të patur një program elektoral sepse nënkupton punë në të ardhmen, ai kishte të programuar edhe lëvizjen me të cilën do përçojë mesazhin se është një zvarranik i vogël që i bindet më të madhit/fuqishmit.

Dhe zgjidhjen e kishte të gatshme nga “Alienët e Lashtësisë”.

Mos më keqkuptoni, jam fuqishëm pro pranisë së urtësisë së moshës së tretë në parlament. Por të marrësh vëmendjen e publikut duke përçuar mesazhin se periudha e Enver Hoxhës kishte anë pozitive, është njësoj si të gërmosh shumë thellë për të nxjerrë në dritë nga errësira e mijëvjeçarëve një krijesë monstruoze që bën veç dëm. Krijesë të cilën shqiptarët e kanë të qartë se çfarë është. Dhe përcaktimi në fjalinë e mësipërme është edhe më toleranti.

Një manipulator apo një skizoid mund ta komentojë edhe si kërcënim apo tentativë për të derdhur gjak me luftë civile. E në kushtet kur komentuesi i këtij veprimi të Edi Ramës, gëzon shëndet të plotë mendor, manipulator narcisik dhe skizoid është autori i aktit; që në axhendën e vet për interesa personale mund të ketë parashikuar edhe skenarin e mësipërm. Por mos u shqetësoni ne jetojmë në një vend të stabilizuar ku të tilla skenarë nuk materializohen pavarësisht mendjeve të nxehta.

Shoqëria shqiptare, pavarësisht prezencës së vatrave të infektuara, është shoqëri e ekulibruar shpirtërisht dhe psiqikisht. Shqiptarët sot kanë nivel të vetëdijes politike të barabartë me çdo qyetetar të europës. Të ftohtë dhe të qartë në kritikën estetike për vlerësimin e të mirës dhe të keqes, të bukurës dhe të shëmtuarës. Ata e trajtojnë komunizmin si simbolin e të keqes dhe të shëmtuarës.

Përfaqësuesit zyrtarë u shprehën publikisht për faktin se zonja në fjalë vjen nga një vatër me infeksion aktiv të virusit komunist. Publiku e mësoi këtë fakt.

Ndërsa shqiptarët e kanë të qartë se vendi i tyre gjatë luftës së dytë botërore u përfshi nga një përplasje civile për pushtetin e republikës që do vinte, përplasje të cilën komunistët me në krye udhëheqësin e e tyre e shndërruan në një orgji gjaku.

Shqiptarët sot janë ekspertë të mizerjes që sjell komunizmi. Ata nuk i mashtron dot me “Alienët/komunistët e Lashtësisë”. Dembelo-Otomani Rama duhej të kishte gjetur tjetër zgjidhje në këtë temë. E nëse nuk është dembel të pushojë nga puna atë që e këshilloi, duke mos harruar asnjëherë që në Institucionet e Sigurisë, komunizmi ndez një dritë në hartën e “Red Flags”.

Komunizmi mund të jetë trendy&sexy për rininë “flokë dëbore” të vendeve ku asistenca sociale është me e madhe se rroga minimale.

Por komunizmi nuk mund të jetë kurrë trendy&sexy për shqiptarët që; kanë të gjallë dhimbjen për prindrin e lindur në kamp internimi, ashtu edhe; për të gjithë ata që do të donin të mos ishin dëshmitarë të bisedave sadiste në familje apo për gjyshin të përmendur në librat e Institutit të Studimeve të Krimeve dhe Pasojave të Komunizmit. Dikur Edi Rama ka qënë në listën e këtyre të dytëve, sot kam përshtypjen që ai vetë nuk e ka të qartë se ku ndodhet.

Jemi në vitin 2021 dhe po bëjmë fjalë jo vetëm për qeverinë që do menaxhojë këtë vend nga 2022 por për filozofinë që duhet të dominojë këtë shekull.

Precedenti i sotëm me kandidaten nga “Alienët e Lashtësisë” duhet të ndezë dritën e kuqe të “Red Flag” jo vetëm për “Digital Soldier” por për të gjithë komunitetin e gazetarëve, pa përjashtuar as ata që në 20 vitet e fundit kanë shitur gazeta me titull kryesor “çfarë i tha Enveri këtij” apo “çfarë i tha Nexhmija atij”.

Të gjithë ne e dimë që komunizmi prodhon vetëm talebaizëm dhe është provuar në shumë vende për të vërtetura që nuk prodhon dot civilizim.

Ne jemi mjaftueshmërisht të ditur dhe të qartë se përplasja e civlizimit me komunizmin, në formën që e dëshmuam përgjatë diktaturës, ka nisur të paktën nga revolucioni francez.
Ne jemi të qartë që kjo përplasje do të vazhdojë për shumë kohë. (Ephesians 6:12)

Sot shqiptarët janë në një treg të lirë dhe konkurojnë me të gjitha kombet e tjera.

Shqiptarët nuk kanë kohë për “Alienët/ komunistët e Lashtësisë”.

Shqipëria duhet të fitojë!!!

*të sillesh si shimpaze e nevrikosur dhe jashtë kontrollit.