Kaos financiar në Shqipëri, Thumanë-Kashar zbulon një shtet me tre kurse këmbimi
Radhët kilometrike në Autostradën Thumanë-Kashar, përveçse një shteti funksional në rend dhe siguri që zgjidhet ne arbitraritet por jo me ligj, na zbulon dhe një kaos financiar ku vetëm Banka e Shqipërisë nuk përfillet!
Ndërsa kaosi në trafik në Autostradën Thumanë-Kashar krijoi radhë deri në 10 kilometra për shkak të pikave të pamjaftueshme për pagesë dhe u “zgjidh” me pezullimin e pagesës për eliminimin e këtyre radhëve, nisja e pagesës për këtë autostradë zbuloi se pas kursit të këmbimit të Qet Kastartit në Rrugën e Kombit, Shqipëria bëhet edhe me kursin e këmbimit të Bashkim Ulajt në Thumanë-Kashar!
Ndryshe, sot kursi zyrtar i këmbimit të Euros sipas Bankës së Shqipërisë ishte 100.25 lekë, por, dy bossët e koncesioneve nuk e njohin këtë kurs këmbimi!
Derisa Qet Kastrati ka kohë që nuk përfill shtetin aty ku shkel, dhe në Rrugën e Kombit, sipas tij 5 Euro janë 660 Lekë përkatësisht 1 Euro = 132 Lekë, ndryshe nga Banka e Shqipërisë që sot thotë se 1 Euro është 100.25 Lekë, në rrugën e dytë me pagesë Bashkim Ulaj fut kursin e tretë të këmbimit, dhe sipas tij 2.1 Euro është 270 Lekë përkatësisht 1 Euro = 128.6 Lekë!
Banka e Shqipërisë nuk reagon ashtu si çdo institucion nëtë vend pa marrë urdhërin e Kryeministrit Edi Rama!
Po kush po e qeverisë këtë vend të vjedhur?! Shteti me tre kurse këmbimi nuk do kallauz!
