Kapen 275 kg drogë “Dragon Ball”, arrestohen 3 trafikantë shqiptarë në Itali

Policia italiane ka sekuestruar 275 kg drogë ndërsa ka arrestuar tre shtetas shqiptar. Mediat italiane raportojnë se shqiptarët e arrestuar janë të moshës 26, 39 dhe 35 vjeç, ndërsa janë kapur në Rimini, në momentet që po bënin shkëmbimin e 160 kg ishin hashash dhe 115 kg marijuanë, të cilën e kishin fshehur pas paletave të detergjentëve, brenda një kamioni.

Hetuesit kanë sqaruar se droga ishte destinuar për tregtarët e mëdhenj dhe nëse do dilte në treg kapte vlerën e 700 mijë eurove. Mbi pakot e marijuanës është gjetur i stampuar imazhi i Gokut, personazhi vizatimor i Dragon Ball. Dyshohet se kjo është një metodë e përdorur për të dhënë informacion të koduar në lidhje me marrësit e dërgesës së drogës.