Kapen 50 kg kokainë në anijen shkollore “Jadran”, arrestohet…

Policia Ushtarake e Malit të Zi ka ka kapur dje në anijen shkollore “Jadran” në Tivat, rreth 50 kilogram kokainë. Personi përgjegjës i akuzuar për momentin për trafik ndërkombëtar të drogës është Nënoficeri i Ushtrisë së Malit të Zi, Dushko Radenoviç, bënë të ditur televizioni publik RTCG.

Droga është zbuluar pas informacioneve operative të Ministrisë së Mbrojtjeve, në momentin kur anija shkollore “Jadran” po bëhej gatië të nis lundrimin me studentët e Fakultetit Detar të Kotorit në linjën Tivat-Stamboll-Pire, në kaudër të bashkëpunimit të Ministrisë së Mbrojtes  dhe Universitetit të Malit të ZI.

Përveç kokainës në anije janë konfiskuar edhe armë.

Rasti tashmë po hetohet nga Departamenti special i policisë, i cili së bashku me kolegët e Drejtorisë së Policisë ka ardh deri tek të dhënat se një pjesëtar i Forcave Detare kishe lidhje me strukturat kriminale dhe grupet që merren me trafikun e kokainës.

Pritet që hetimet të përcaktojnë logjistikën e këtij trafiku, nëse ka anëtarë të tjerë ky trafik ndërkombëtarë i drogës, ku është ngarkuar kokaina dhe cili ishte destinacioni.

Ministria e Mbrojtjes e Malit të Zi ka bërë të ditur se në bazë të dhënave operative të Shërbimit Informativ të Ushtrisë është zbuluar se grupe të caktuara kriminale kanë në plan të shfrytëzojnë lundrimin e anijes shkollore “Jadran” për realizimin e aktiviteteve kriminale.

Pjesëtarët e Drejtorisë së Policisë dhe Policisë Ushtarake, me urdhër të prokurorit, kanë zabtuar masat për zbulimin dhe procedimin e zbatuesve të kësaj vepre penale.

Polumbarët e Forcave Detare të Malit të Zi kanë kontrolluar pjesë e poshtme të anijes “Jadran” ndërsa policia me qentë antidrogë ka kontrolluar pjesën e brendshme të anijes. Ndryshe, anija shkollore “Jadran” është e njohur për opinionin publik për shkak të kontestit që Mali i Zi ka me Kroacinë, pasi shteti kroat e konsideron pronë të sajë ndërsa shteti malazez duke u bazuar në Marrëveshjen se armatimi i Ushtrisë së Jugosllavisë do të konsiderohet pronë e asaj Republike ku ka qëlluar në momentin e shpërthimit të luftës në Ish-Jugosllavi, e konsideron edhe anijen “Jadran” e cila ishte për rregullim në uzinën e Tivatit. Konflikti i fundi ndërmjet dy ministrive të Mbrojtjes ka shpërthyer në vitin 2008 ndërkohë anija “Jadran” është e vetmja çashtje e hapur në mes të Malit t Zi dhe Kroacisë