Kapen 6 ton kokainë me vlerë 1.3 miliardë dollarë

Autoritetet në Uruguaj kanë kapur një sasi rekord prej gjashtë tonësh kokainë në dy aksione, që është dhe goditja më e madhe për trafikantët e drogës, në historinë e këtij vendit.

Në fillim, në portin Montevideo u sekuestruan 4.4 ton drogë në një aksion të përbashkët të Forcave Detare dhe Doganës, i cili ishte fshehur në katër kontejnerë mielli soje që ishin në pritje të transportohen për në Togo.

Pastaj 1.5 ton të tjera kokainë u gjetën në një fermë, raportojnë media lokale.

Vlera e drogës së sekuestruar me çmimin e tregut vlerësohet 1.3 miliardë dollarë.

Ndryshe, Uruguaji është duke u përdorur gjithnjë e më shumë si një rrugë tranziti për transferimin e drogave nga Amerika Latine në Afrikë dhe Evropë.