Kapen armë dhe municion në Veri të Kosovës, dyshohet për lidhje me sulmin terrorist në Banjskë

Policia e Kosovës ka bërë të ditur se ka gjetur granata, armatim, municion dhe uniforma ushtarake në rrugën “Kral Petri” në Zveçan që ndërlidhen me sulmin terrorist serb në Banjskë.

“Gjatë kontrollimit janë gjetur 4 granata M75, dy pushkë automatike AK 47, gjashtë karikatorë me municion të AK 47, një karikator i zbrazët, 156 fishek të AK 47, 179 fishekë të M48 , një antiplumb ushtarak me dy pllaka, tri palë pantallona,  katër uniforma ushtarake,  dy jelekë taktikë, dy gas maska, dy çanta krahu ushtarake,5 rripa ushtarakë të brezit,  një  bluzë të zezë,” thekson Policia e Kosovës përmes një njoftimi.

Policia e Kosovës sqaron se ky rast ka të bëjë me një person me interes për Policinë, i cili dyshohet se ndërlidhet me sulmin terrorist serb të vitit të kaluar në Bajnskë.