Kapet duke transportuar 5 klandestinë pakistanezë, arrestohet 21 vjeçari

Policia e Gjirokastrës bëri të ditur arrestimin e një 21 vjeçari me akuzën e dhënies ndihmë për kalim të paligjshëm të kufirit kundrejt fitimit.

Burime zyrtare bënë të ditur “me datë 12.06.2018, pas informacioneve të marra në rrugë operative shtetasi Enea Mevlani po transportonte me automjetin e tij, me targa AA 915 NA pesë shtetas të huaj nga Pakistani”.

Fillimisht i riu ka kundështuar urdhrin e punonjësve të policisë për të ndaluar por më pas është kapur nga shërbimet e Policisë pranë DVP Gjirokastër.

Materialet në ngarkim të këtij shtetasi i kaluan Prokurorisë pranë Gjykatës së Shkallës së parë Gjirokastër për veprime të mëtejshme, për veprën penale të parashikuar nga nenet 242 dhe 298/2 të Kodit Penal.