Kapja e 3.4 milionë euro/ Agjensitë e huaja vunë në dijeni Bashën

Deputetja e PD-së Dhurata Çupi thotë se kapja e sasisë prej 3.4 milionë eurosh dhe 80 mijë frangave në mjetin “Toyota Yaris” tregon se paratë e drogës po hyjnë në Shqipëri dhe rreziku është shumë i madh, pasi ekonomia e vendit po shkon drejt kriminalizimit.

Lidhur me atë se kush e ka vënë në dijeni kreun e PD-së, Lulzim Basha, për këtë çështje, për të cilën akuzoi dhe Taulant Ballën , Dhurata Çupi theksoi se ai është vënë në dijeni nga agjencitë e huaja për rastin në fjalë.

Deputetja demokrate shtoi gjithashtu se kjo tregon se agjencitë e huaja nuk e besojnë më ministrin e Brendshëm dhe tek qeveria shqiptare por tek kryetari i opozitës.

“Sigurisht që e ngriti kryetari i opozitës këtë çështje se agjencitë e huaja besojnë tek opozita shqiptare që denoncon javë pas jave.

Kreu i opozitës tha atë që ka thënë, e rëndësishme është që kreu i PD-së vihet në dijeni nga agjencitë e huaja, nuk kanë pasur besim tek ministri i Brendshëm, tek qeveria por tek kryetari i opozitës i cili e artikuloi në Parlament.

Në këtë përfundim del çdo qytetarë, nëse keyetarit të opozitës i jepet ky informacion atëherë do të thotë se vetëm tek ai besojnë.

Problemi më i madh është se trafikimi i drogës dhe hashashit do përkthehet në miliona euro dhe ja erdhi dita. Imagjinoni sa makina do kënë kaluar në vendin tonë. Ky është një rrezik i madh për Shqipërinë. Sa miliona të tjera eura kanë kaluar? Këto kthehen në investime, ne po shkojmë drejt një ekonomir të kriminalizuar”, tha Çupi ndër të tjera. /Faxweb.