Kapoja i Bandës jep urdhërin e radhës: Sa më parë të themelohet qeveria e re!

Sot Kosova u gdhi me një Bandë që ka dhe Gjykatë Kushtetuese, përveç se vendos se kush do ta qeverisë këtë vend. Kapoja i kësaj Bande, Hashim Thaçi, pa u skuqur fare nga Vendimi i Gjykatës dhe dëmi që i ka bërë dhe po i bënë këtij vendi, dha urdhërin e radhës:

Sa më parë të themelohet qeveria e re!

Interpretimi që i bëri dje Gjykata Kushtetute dekretit të Hashim Thaçit shumë shpejtë do të bie ndesh me realitetin politik kosovar, siç ra Interpetimi i vitit 2014, që sot përkthehet shqip, vetëm në këtë mënyrë:

Shumicën qeverisës e krijon çdo Koalicion i cili nuk ka në mesin e saj Lëvizjen Vetëvendosje.

Në fund, Gjykata Kushtetuese humbi edhe rastin e fundit për të konfirmuar se nuk lejon bandit si Hashim Thaçi dhe Isa Mustafa ta nëpërkëmbin Kosovën dhe të papërgjegjshëm si Albin Kurti që i lejojnë këtij lllumi që vetëm për 45 ditë t’ia marrin nga dora betejën kundër krimit të organizuar dhe korrupsionit.

Gjykata Kushtetuese, që e kishte shumë të lehtë, nuk vuri kufirin as për mënyrën se si duhet të veprohet pas një mocioni mosbesimi, sa letra duhet ti dërgoj Presidenti liderit të partisë fitutese për të kërkuar emrin e kryeministrit të ri, apo edhe 25 letra për 5 ditë mjaftojnë, sipas logjikës së Aktgjykimit të djeshëm, të quhet “shterim i mundësive kushtetuese për të përcaktuar një kandidat për Kryeministër nga partia politike fituese e zgjedhjeve,” dhe kur nuk ka marrë përgjigje Presidenti vazhdon dhe i jep mundësinë cilit do kandidat që ka shumicën.

“E drejta e parë për të propozuar kandidatin për Kryeministër i është garantuar partisë ose koalicionit fitues të zgjedhjeve përmes Kushtetutës, thotë Gjykata Kushteteuse dhe “ushtrimi i kësaj të drejte, nuk është i mveshur edhe me autorizimin për të bllokuar formimin e një Qeverie brenda një cikli zgjedhor. Një qëndrim i tillë, do t’i bënte peng të partisë ose koalicionit fitues, të gjitha institucionet më thelbësore të shtetit.”

Pra, sipa logjikës së Gjykatës Kushtetuese, partia ose koalicioni fituese nuk ka të drejtë bllokimi për formimin e Qeverisë, ama kjo “i mveshet” partisë që nuk është fituese ose Kapos së Bandës.

Në fund, Lëvizja Vetëvedosje ka pralajmëruar protesta dhe revoltë por kjo situatë as në demokracitë e zhvilluara që janë sot nuk është zgjidhur me mjete jodemokratike.

Sot, Banda mund ta vendos Avdullah Hotin e shkretë për Kryeministër por ciklin e zgjedhjeve nuk e ndal dot as me Gjykatën Kushtetuese që e ka tashmë në shërbim. Për ata që e duan atdheun e tyre kjo duhet të jetë e qartë.

Fjala e plotë:

E mirëpres vendimin e Gjykatës Kushtetuese që i hap rrugë formimit të qeverisë së re të Kosovës.

Kam qenë i kujdesshëm në çdo hap që kam ndërmarrë, që të jenë në përputhje të plotë me Kushtetutën.

Kjo u konfirmua edhe mbrëmë me vendim unanim të gjyqtarëve të Gjykatës Kushtetuese.

Më e rëndësishmja është se Kushtetuesja e konfirmoi se Kuvendi i Kosovës është institucioni më i lartë politik në vend.

U konfirmua se vullnet i qytetarëve janë të gjitha partitë, jo vetëm një parti.

Tani duhet që sa më parë të themelohet Qeveria e re pasi rrethanat kërkojnë një Qeveri funksionale.

U bëj thirrje të gjitha institucioneve, të gjitha partive politike, të zbatojnë të gjitha vendimet e Gjykatës Kushtetuese.

I ftoj liderët institucionalë dhe partiakë të punojnë së bashku që të kemi tranzicion të rregullt.

I ftoj edhe mediat dhe shoqërinë civile që të kontribuojnë për mbarëvajtjen e këtij procesi.

Duhet ta ruajmë rendin kushtetues dhe integritetin e sistemit të drejtësisë në Kosovë.

Të ruajmë paqen e stabilitetin.

Të përqendrohemi në atë që është kryesorja për qytetarët e Republikës së Kosovës dhe të sjellim zhvillim, prosperitet për të gjithë.

Të përqendrohemi në tejkalimin me sukses të pandemisë së COVID-19 por edhe të punojmë në ri-mëkëmbjen ekonomike.

Të vazhdojmë reformat në drejtësi, në ekonomi dhe institucione qeverisëse.

T’i forcojmë institucionet e sigurisë dhe të mbrojtjes.

E ftoj BE-në dhe shtetet anëtare të BE-së që sa më parë të marrin vendimin e merituar për liberalizim të vizave për qytetarët e Kosovës.
Të punojmë të gjithë së bashku që Kosova sa më shpejt të bëhet pjesë e NATO-s dhe e Bashkimit Europian.

Dhe të ruajmë marrëdhënien speciale, partneritetin e përjetshëm me Shtetet e Bashkuara të Amerikës.