Karantina e rreptë, Gabim i madh! Epidemiologu norvegjez: Tani s’kemi as imunitet!

Duke komentuar situatën me koronavirusin në Norvegji ku u aplikua karantina e rreptë ashtu si dhe në Shqipëri, dhe sot vërtetë niveli i infeksionit është i ulët, njëri prej epidemiologëve më të njohur norvegjez dhe profesor emeritus në Universitetin në Troms, Eiliv Lund, thekson se ky ishte një gabim i madh sepse problemi nuk është zgjidhur, ai vetëm është shtyrë; Dhe, sikur Norvegjia të vepronte si Suedia, nivelin i infektimit do të ishte më i lartë të, por imunitet do të ishte shumë më i madh. Ndërkohë iu bë një dëm i madh edhe ekonomisë norvegjeze!

Sipas raportit më të ri, në Norvergji janë të infektuar 1 për qind e popullsisë, dhe profesor Lund thekson se ky është një tregues i dobësisë që ka strategjia norvegjeze.

“Shifrat janë të ulëta sepse kemi zbatuar karantinën shumë të rreptë. Sikur të vepronim si suedezët do të kishim nivelin më të lartë të infektimit, por imunitet shumë më të madh,” tha Eiliv Lund duke shtuar:

“Qeveria kishte besim të madh te strategjia e karantinës. Por tashmë që kanë kaluar disa javë, sikur kjo strategji vërtetë të vepronte tashmë do të kishim zero raste,” thotë epidemiologu norvegjez për strategjinë që fatkeqësisht e ka aplikuar edhe Edi Rama madje edhe mburret ndërsa sqaron:

“Ekziston dobësia në strategjinë tonë. Mendohej se nëse mbetemi gjatë në karantinë, virusi do të zhduket, por problemi është se ne nuk mund ta ndalojmë që ai të futet nga jashtë. Në këtë rast duhet të presim deri në zbulimin e vaksinës ose ilaçit. Vetëm e kemi shtyrë problemin i cili domosdo do të paraqitet në të ardhmen,” përfundoi profesori në Universitetin në Troms, Eiliv Lund.

Masa të rrepta

Sipas të dhënave të fundit, në Norvegji janë shënuar 7.527 raste me koronavirus, 83 prejt të cilëve kanë vdekur.

Norvegjia është ndër shtetet e para që ka mbyllur disa prej institucioneve shtetërore dhe private në mënyrë që ta ndaloj përhapjen e COVID-19, duke shkaktuar rënien e ekonomisë dhe largimin nga puna të qindra mijëra punëtorëve.

Kufizimet ishin në fuqi deri më 13 Prill, ku përfshihej mbyllja e kopshteve dhe shkollave, ndalimi i të huajve brenda territorit norvegjez si dhe ndalimi i vajtjes së qytetarëve për pushim në vilat që kishin në plazh ose alpe.

Norvegjezët arritën të ulin përqindjen e përhapjes së virusit nga 2.5 në 0.7 për qind, pra që aktualisht një person i prekur me koronavirus infekton 0.7 persona të tjerë.

Në Norvegji, javën e kaluar sërish u hapën kopshtet. Por ¼ e prindërve deklaruan se edhe për shumë kohë nuk do ti çojnë fëmijët e tyre.