Karma është kurvë! Kujdes Llull…
nga Agim Popoci
Taksa në Rrugën e Kombit, projekti i Unazës së Madhe, publikimi i përgjimeve për vjedhjen e votave nga gazeta gjermane “Bild”, Ballkani i Hapur, Porti i ri i Durrësit, inceneratorët, dhe, së fundi arrestimi i ish-zyrtarit të lartë të FBI, ishin skandale të përmasave aq të mëdha sa në çdo vend normal, qeveria do të merrte fund!
Por, mosreagimi qytetar i dha të drejtë Kryeministrit Edi Rama se është në rrugën e duhur që të vazhdoj të qëndroj në fronin kryeministror, dhe pengesë e tij e vetme vazhdon të jetë Sali Berisha!
Karma është kurvë! E tha qartë pak ditë më parë Kryeministri Edi Rama në forumin më të rëndësishëm ekonomik botëror, por, që e kishte kuptuar në vitin jo të largët 2003 kur sondazhet i thoshin se nuk i fiton zgjedhjet për Kryetar të Bashkisë Tiranë, përkundër ndryshimeve që u bënë në kryeqytet gjatë mandatit të tij të parë; Manipulimi i zgjedhjeve ishte mënyra vetme për të korr fitore, kështu dhe bëri.
Dy vjet më pas, me të njëjtën mendësi Edi Rama u fut në garën për Kryetar të Partisë Socialiste dhe pa i varë shpresat tek ata që e votojnë, dhe jo me një betejë si ajo e Gaugamelës, përmes manipulimit u fut si Perandor në Babiloninë komuniste i ndërgjegjshëm që pengesa e vetme që kishte për të pushtuar tërësisht këtë vend ishte Sali Berisha! Pra, siç e kishte Aleksandri i Madh, Dariusin, ndonëse kishte një dallim thelbësor, Saliu ishte Kryeministër.
Si pretendent për Kryeministër, Edi Rama me strukturën e tij paramilitare “Mjaft” dhe Sigurimin e Shtetit, duke pasur parasysh ngjarjet e vitit 1996, 1997 dhe 1998, projektoi Saliun si një pengesë të kapërcyeshme pas përballjes me një revoltë popullore!
Në pamundësi për të ngjallur pakënaqësi nga brenda mbështetësve të Saliut për shkak të qenurit në pushtet, por, duke njohur mirë natyrën e popullit shqiptar për të mosreaguar, strukturat e Sigurimit të Shtetit ishin shpresa e vetme që mund të inskenonte një revoltë popullore kundër rezultatit të zgjedhjeve të vitit 2009, për të cilat zgjedhje sondazhet tregonin qartë se PS garën e ka të humbur. Me skenar të vitit 1996, kjo lloj revolte nuk ngjiti, madje as greva e lodhshme e urisë, që në Shqipëri kishte humbur kuptimin; Duke kaluar nxitimthi kufijtë e bezdisjes, kërkoi shumë shpejtë dy hapa mbrapa për të bërë një revoltë me një hap para, por, me dhunë, gjak e pse jo dhe vrasje, ide këto në mes të majtistëve modern të Mjaftit dhe atyre tradicional të Sigurimit!
Anëtarësimi në NATO dhe liberalizimi i vizave spostoi paksa planet e Edit të Madh, por erdhi dhe 21 Janari i vitit 2011 ku gjithçka ishte kuruar në detaje, si blerja e aleatit të Saliut në qeveri, Ilir Metës, revoltës, dhunës, gjakut, dhe, as sot nuk dihet pse, por, pak para përfundimit të kësaj revolte kur ishte e qartë se ai nuk po rrëzohej nga froni, erdhën dhe katër vrasje!
Pa shpresën tek një popull që nuk reagon, Edi Rama me kujdes po priste lëvizjen e radhës dhe papritmas Sali Berisha në vlerësimin amerikan u shpall burrë shteti!
Uji fle por jo dhe Sigurimi, kështu Edi Rama u këshillua që ti shkoj lojës deri në fund me Ilir Metën, fitoi zgjedhjet, dhe u ul në fronin e Kryeministrit më 2013!
Gjithsesi, tashmë shumë më i qartë se kurrë, prap i rezulton se pengesa kryesore dhe vetme si kurrë më parë ishte Saliu ndonëse ai kishte dhënë dorëheqje nga kreu i PD; Kështu Edi Rama u angazhua seriozisht në zhdukjen nga faqja e dheut të Dariusit, për shkak të pjesëve të papushtuara të Perandorisë që i kishin mbet!
Zgjedhjet e radhës në vitn 2017 ishin një moment i artë si për Edi Ramën ashtu dhe satrapin demokrat për të ekzekutuar Dariusin, por, unaza perandorake nuk i dilte Saliut dot nga gishti! Gjithçka u dekonspirua, dhe mbijetesa e satrapit demokrat ishte më e rëndësishme se ikja e Saliut për shkak të vijimësisë politike, dhe u prit momenti i radhës!
Gjithçka që ishte projektuar ndër vite madje dhe nën kërcënimet e barit si bukë dhe gjellë, ndodhi papritmas dhe satrapi demokrat, Llulli, ekzekutoi perandorin e Sali dhe ia dorëzoi kufomën Edi Ramës!
Edi Rama ashtu si Aleksandri Madh fillimisht u kujdes që të heqë unazën perandorake nga kufoma dhe e vuri në dorë me plotë pompozitet duke ndryshuar dhe ligjërimin e tij politik; Elektoratin e tij komunist e bëri edhe proamerikan deri në kokëdhimbje ndërsa Saliun antiamerikan dhe ish-lider të një partie rublash ruse!
Ndoshta nga i gjithë ky skenar shpifës diçka edhe do të mund të qëndronte, por, kur këtë llum komunist e shikoje në media sociale dhe jo vetëm, se si e adhurojnë Amerikën dhe etiketonin të djathtën shqiptare si proruse, kjo nuk mund të ngjallte dyshime sepse dyshimi vetë ishte Edi Rama me asqerët e tij.
Meqë Edi Rama asgjëje nuk i qëndron besnik, kështu ndodhi edhe me fundin e satrapit të tij demokrat, të cilin vazhdoi dhe e përdori, e shkëlyu, e bëri pis edhe në Partinë Demokratike para Saliut që tashmë ishte non-grata, për ti bindur mbështetësit e tij se janë ata që do të zëvendësojnë Sali Berishën ndërsa satrapin e la të lirë!
Gjithçka që ndodhi pas këtij momenti ishte e papritur, si rikthimi i Saliut, shfaqja e gjithë atij mosbesimi ndaj Llullit dhe urrejtjes ndaj Edi Ramës, ashtu dhe arrestimi i ish-zyrtarit të lartë të FBI, Charles McGonigal, pak ditë më parë, i cili dëshmoi se jo rastësia por Sigurimi i Shtetit me agjentin e tij Agron Neza bënë, që mali të shkoi te Aleksandri i Madh i Partisë Socialiste!
Reagimi i Kryetarit të komanduar nga kafexhiu i satrapit demokrat dëshmoi se çfarë shtrese përfaqëson ky grup “tashmë kriminal”antikomunist”, ku gjithçka përmend por në asnjë mënyrë të birin e një krimineli komunist të Sigurimit të Shtetit si Bajram Neza, impiant ky i njohur për prodhimin e të përndjekurve politik!
Reagimi i Sekretarit të Përgjithshëm të PS, Damian Gjiknuri, i cili asqerin e vetë të Sigurimit të Shtetit nuk e pranon si të akuzuar nga drejtësia amerikane por si kusheri të Sali Berishës, fakt të cilin Saliu e përgënjeshtroi!
Dhe, radha i vjen Edi Ramës. Po, Karma është kurvë zoti Kryeministër! Para se të tregosh se si e bëre Saliun “non grata” dhe adhurues të rublave ruse, duhet të sqarosh sasinë e parave me të cilën ishte ngarkuar spiuni i Sigurimit të Shtetit, Agron Neza, për ti dhënë mikut të Kryeministrit zyrtar i lartë i FBI, Charles McGonigal! Jo për shumën 225 mijë dollarë meqë kishe 3000 dollarë kur u ule në fronin e Kryeministrit, sa për faktin se ti duhet të punosh 20 vjet si i pari qeverisë, pa ngrënë dhe pa pirë, për ti dhënë McGonigal këtë shumë parash në mënyrë që ti bësh dëm rivalit tënd, pra, Saliut!
Ndërsa ti Lulzim Basha, ose siç të pagëzuan asqerët e McGonigal, Llull, kujdes! Karma është kurvë, pra! Meqë ti ke dhunti gjumin dhe jo leximin, duhet ta dish se kur Aleksandri i Madh hoqi unazën perandorake nga kufoma dhe e vuri në dorë, urdhëroi që Darius të varrosej me të gjitha nderimet perandorake, dhe, arrestoi dhe ekzekutoi satrapin tradhtar!
