Karriera në rrezik/ Besnik Muçi i ka borxh 21 mijë euro biznesmenit Armand Lilo
Anëtari i Gjykatës Kushtetuese, Besnik Muçi, po përballet me Kolegjin e Apelimit në kuadër të procesit të Vettingut, ku Komisioneri Publik kërkon shkarkimin nga detyra të Ish-Prokurorit të Krimeve të Rënda me argumentet se ka probleme me pasurinë dhe figurën morale.
Sipas raportit të DSIK, Besnik Muçi ka kontakte të papërshtatshme me një biznesmen, i cili rezulton me probleme ligjore. BW raporton se bëhet fjalë për biznesmenin Armand Lilo dhe sipas raportit të DSIK, Muçi i detyrohet 21 mijë euro Lilos, tek i cili ka blerë një banesë.
Por kontakti me ketë person konsiderohet i papërshtatshëm.
Anëtari i Gjykatës Kushtetuese tha se Armand Lilo është taksapaguesi më i madh i Bashkisë së Tiranës dhe një ndër punëdhënësit më të mëdhenj. Ai tha se nuk e ka hetuar asnjëherë Lilon dhe se nuk kishte dijeni se ai kishte probleme me ligjin.
