Kartmonedha e re 200-frangëshe me kujtime të errëta për shqiptarët

Pasi imazhi i kartmonedhës së re 200-frangëshe të Zvicrës,  është bërë publik nga Banka Kombëtare e Zvicrës, menjëherë kanë filluar reagimet e ashpra të banorëve të ish Jugosllavisë, si në diasporë ashtu edhe në vendet përkatëse. Ndëkohë janë shumë përdorues të mediave sociale që kanë reaguar për tre gishtat e ngritur në këtë kartmonedhë. “A mos vallë bëhet fjalë për kartmonedhë serbe”, ka shkruar në një postim në Instagram të së përditshmes zvicerane “20 Minuten”, shkruan Albinfo.ch. “Unë mendoj se ky është një provokim ndaj shqiptarëve dhe jo kundër boshnjakëve apo jam gabim këtu?”, shkruan një tjetër përdorues në Instagram.

Kujtimet të luftës në ish Jugosllavi?

Shumica pajtohen se kartmonedhë e re 200-frangëshe paraqet përshëndetjen serbe me tre gishta, ose së paku mund të interpretohet si e tillë. Kjo përshëndetje është me origjinë nga koha e osmanëve dhe kryengritësve serbë kundër pushtuesve.

Sot, “tre gishtat e Serbisë” është një simbol identifikimi kombëtar serb.

Shumicës së banorëve në Zvicër nga trojet e ish Jugosllavisë, kjo kartmonedhë ua përkujton ngjarjet mizore të luftës në vitet ’90.

Deklaratë nga Banka Kombëtare Zvicerane

“Pjesa e përparme tregon gjithësinë me grimcat elementare më të rëndësishme të grimcave të modelit standard të fizikës, të njohur sot. Të tre gishtat e dorës tregojnë tre akse të koordinuara dhe në këtë mënyrë përfaqësojnë dimensionet hapësinore në të cilat zgjerohet materia”, kanë pohuar nga Deklaratë nga Banka Kombëtare Zvicerane.