KAS rrëzon kërkesën e PD për për zgjedhjet në Durrës
Komisioni i Ankimimeve dhe Sanksioneve, KAS, ka rrëzuar kërkesën e PD për provat shtesë për zgjedhjet në Durrës. Në arsyetimin e tij, relatori Koli Bele tha se subjekti ankimues nuk ka bërë përpjekje për të siguruar paraprakisht provat.
Informacionet e kërkuara, tha relatori i çështjes, nuk gëzojnë cilësinë e provës sipas Kodit të Procedurës Civile.
“KAS u konsultua për kërkesën ankimore të PD mbështetur edhe nga LSI për të marrë provat sipas listës që u citua. Me shumicë votash, KAS rrëzoi kërkesës për marrjen e këtyre provave, përveç dy provave që janë kërkuar nga dy anëtarët në mënyrë të posaçme sipas një të drejtë që ju jep kodi.
Subjekti ankues kërkoi që të merrte në cilësinë e provës 19 informacione specifike nga institucione të ndryshme që veprojnë në territor. Subjekti ankues nuk ka bërë një përpjekje për të siguruar paraprakisht provat sic e parashikon neni”
Ky është një kusht që duhet të demonstrohet dhe nuk është plotësuar në momentin e paraqitjes së kërkesës për marrjen e provës. Përndryshe dispozita nuk do ta kërkonte që kërkuesi të paraqiste njëkohësisht me kërkesën edhe arsyen pse nuk ka qenë i mundur sigurimi,” tha Bele sipas të cilit, informacionet e kërkuara, bazuar në kodin e procedurës civile nuk gëzojnë cilësinë e provës.
“Informacionet e kërkuara, nuk gëzojnë cilësinë e provës sipas kodit të procedurës civile dhe për këtë shkak nuk kërkohen si të tilla. Kodi garanton të drejtën për të kërkuar prova jo sende që nuk janë të tilla. Asnjë prej kërkimeve nuk bën pjesë në provat që përcakton kodi.
Kërkesat e subjekti ankues janë kërkesa për të vënë në punë institucione të ndryshme shtetërore për të prodhuar statistike lidhur me pretendimet, por nuk janë dhe nuk merren si prova për qëllime të këtij procesi.”
Përfaqësuesi ligjor i PD në KAS, Marash Logu, në fjalën e tij, tha se në një material prej 57 faqesh, janë të gjitha ato që ne kemi konsideruar shkelje të rënda të ligjit që për ne çojnë në pavlefshmëri të zgjedhjeve e përsëritjen e tyre. PS në këtë qark, tha ai, kishte vendosur drejtues të fushatës elektorale dhe kandidatë për deputetë të cilët janë të njohur për lidhje me botën e krimit.
“Atë që kemi konsideruar shkelje janë ndarë në 5 kategori, blerja e votës përmes personave me rekorde kriminale, 15 prova i kemi depozituar. PS kishte drejtues politik Ardian Çela drejtor i OSHEE, kompani me pronësi 100% shtetërore. Çela është nën akuzë për favorizime e shkelje ligjore kur ishte nënkryetar i bashkisë Durrës, drejtuesi faktik i fushatës ishte ish kryetari i Bashkisë Vangjush Dako i njohur për lidhje me krimin e organizuar,” tha Logu duke saktësuar:
“Lidhjet e Dakos janë shfaqur në të paktën 2 raste, 5 dhetor 2016 kur Apeli Durrës liroi Lulzim Berishën, drejtuesi i bandës së Durrësit, se Dako dha garanci për punësimin e tij në Bashkinë e Durrësit. Rast tjetër përfshirja e Dakos në dosjen 339/1 nga përgjimet e Bild rezulton se Dako ka komunikim me Astrit Avdylajn, drejtues i një organizate ndërkombëtare të trafikut të drogës, për zgjedhjet e 2017.
Kandidat për deputet e deputet në detyrë të PS ishin Jurgis Çyrbja, Ilir Ndraxhi, Rrahman Rraja, të njohur për lidhjet e tyre me krimin e organizuar. Çyrbja ish drejtor Kadastre ka dalë në përgjime të prokurorisë si i përfshirë në vepra kriminake, rasti konkret privatizimi i Vollgës. Ndraxhi doli te përgjimet e BILD si njeri për të cilin kriminelët kishin punuar për të siguurar votat e tij. Rrahman Rraja e familja e tij njihet si bandë kriminale në Fushë Krujë, familjarët e tij në vijimësi janë pjesë e personave me rekorde të tmerrshme kriminale,” tha Marash Logu duke përfunduar:
“PD ka dorëzu 50 kallëzime penale në SPAK, 30 orej tyre me raste flagrante të shitblerjes së votës, nga drejtues e përfaqësues të PS.“
