KAS vendos rinumërimin e të gjitha kutive për Qarkun Fier
Në vijim të shqyrtimit të kërkesës ankimore nr.47, depozituar nga Koalicioni Partia Demokratike – Aleanca për Shqipërinë Madhështore, Komisioni i Ankimimeve dhe Sanksioneve, KAS, sot vendosi rinumërimin e të gjitha kutive edhe në Qarkun Fier.
Fillimisht, me shumicë votash, KAS rrëzoi kërkesat e Koalicionit PD-ASHM për hapjen kutive të 3 qendrave të votimit 3020/00, 3134/00, 2903/00 dhe Koalicionit Shqipëria Bëhet për hapjen e të gjithë kutive të qarkut Fier, si kërkesa të pa mbështetura në ligj dhe në prova.
Por, bazuar në nenin 136, pika 3 e Kodit Zgjedhor, anëtarët e KAS, Elvis Çefa dhe Ledio Braho, kërkuan që të bëhet këqyrja e kutive të fletëve të votimit për qarkun Fier, për subjektet zgjedhore dhe kandidatët për votimin brenda vendit.
Ky proces do të fillojë pasi të përfundojë këqyrja për qarkun e Tiranës.
Në Qarkun Fier, në zgjedhjet e 11 majit ishin në total 587 kuti, prej të cilave pas numërimit, PS mori 12 mandate, PD 4 ndërsa Nisma Shqipëria Bëhet pretendoi se ishte pranë marrjes së një mandati në këtë qark.
Ndryshe, KAS vijoi shqyrtimin e kërkesës ankimore nr.47, depozituar nga Koalicioni Partia Demokratike – Aleanca për Shqipërinë Madhështore me objekt:”
1.Kundërshtimi i Vendimit Nr. 1317, datë 23.05.2025, të KSHZ – “Për miratimin e Tabelës Permbledhëse të Rezultatit të votimit në zonên zgjedhore Qarku Fier, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025”.
2. Pavlefshmëria e zgjedhjeve të zhvilluara në datën 11 maj 2025 ne zonën zgjedhore Qarku Fier.
3. Zgjidhjen e pasojave duke urdhëruar persëritjen e zgjedhjeve për Kuvendin e Shqipërise në të gjithë zonën zgjedhore Qarku Fier”.
Me shumicë votash, KAS rrëzoi kërkesat e Koalicionit PD-ASHM për hapjen kutive të 3 qendrave të votimit 3020/00, 3134/00, 2903/00 dhe Koalicionit Shqipëria Bëhet për hapjen e të gjithë kutive të qarkut Fier, si kërkesa të pa mbështetura në ligj dhe në prova.
Ndërkohë, bazuar në nenin 136, pika 3 e Kodit Zgjedhor, anëtarët z. Elvis Çefa dhe z. Ledio Braho kërkuan që të bëhet këqyrja e kutive të fletëve të votimit për qarkun Fier, për subjektet zgjedhore dhe kandidatët për votimin brenda vendit.
