Katastrofë kombëtare, Basha: Ne do të kthejmë ata që janë larguar prej Ramës!

Për shkak të Kryeministrit Edi Rama, të rinjtë tanë po largohen nga Shqipëria. Është koha ta largojmë Ramën, thekson në reagimin e tij Kryetari i Partisë Demokratike, Lulzim Basha, dhe t’u rikthejmë shqiptarëve shpresën!

“Ne kemi përjetuar një katastrofë kombëtare! 500 mijë shqiptarë kanë braktisur gjatë qeverisjes së Edi Ramës. 500 mijë shqiptarë humbën besimin, hoqën dorë nga shpresa, dhe nuk kanë më të ardhme në këtë vend. Politika e Ramës bënë që brezat tanë të ardhshëm të zhduken dhe as që e ka në plan t’i kthejë sërish. Këta njerëz kanë marrë vendime të vështira. Kanë lënë pas të dashurit dhe tokën e tyre. Ja se sa keq ka qeverisur Rama vendin tonë,” konstaton Lulzim Basha në reagimin e tij përmes rrjetit social Facebook duke e cilësuar si katastrofën tonë kombëtare ndërsa përfundon:

“Ne do të sjellim punë e mundësi të reja. Ne do të kthejmë në këtë vend shpresën dhe ata që janë larguar prej tij!”