Sot është konstituuar Këshilli Bashkikak i Kavajës si dhe është betuar Kryebashkiaku i ri, Redjan Krali, i dalë nga zgjedhjet e 30 Qershorit ndërkohë Kryetari legjitim, Isa Sakja ashtu siç kishte paralajmëruar ka dalë normalisht në punë, ku është pritur dhe nga mbështetësit e tij të opozitës që po protestonin para Bashkisë.
![](https://i0.wp.com/www.pafrike.al/wp-content/uploads/2019/07/isa-sakja.jpg?resize=925%2C570&ssl=1)
“Sot do të jem në zyrë. Nuk e liroj zyrën, është një ditë normale pune. Kemi një Dekret të Presidentit në fuqi, është e pamundur që populli dhe demokratët e Kavajës të tolerojnë qeverinë të emërojnë në detyrë njerëz të pazgjedhur. Këtu kanë votuar vetëm 5% e votuesve, se imagjinoj dot që një qytet të qeveriset nga 5% e votuesve,” është shprehur Isa Sakja ndërsa mbështetësit e Partisë Demokratike vijojnë të qëndrojnë para bashkisë.
Ndryshe, në Këshillin Bashkiak të dalë nga zgjedhjet e 30 Qershorit, janë betuar 29 këshilltarë nga PS, 1 nga G99 dhe 1 nga Partia Socialiste e Moderuar.