Kazanxhiu!
nga Agim Popoci
Nga hiri i së shkuarës komuniste rilindi frikën, tmerrin dhe pushtimin, ndihmuar nga mediat që disa vite më pas do ti quaj Kazanë!
Po, është ky, Edi Rama, i cili rilindi si komunist për të vazhduar aty ku e la krimineli Koçi Xoxe, si teneqexhi, kryetar i Gjyqit Special, Drejtor i Drejtorisë së Mbrojtjes së Popullit, agjent serb dhe njeriu i dytë pas Enver Hoxhës!
Nuk i duhej të ishte Teneqexhi por Kazanxhi sepse kazanët i duheshin për të arritur qëllimin, nuk i duhej as Gjyqi Special sepse me ardhjen në pushtet në vitin 2013 mori vendime shumë më të frikshme për kohën që po jetonte dhe nuk e kundërshtoi njeri, Drejtorin e Mbrojtjes së Popullit e solli në versionin fugian duke i pagëzuar kriminelët e angazhuar komunist si Patronazhistë, realizimin e qëllimeve serbe nuk e bëri më as me agjentura as me bashkime doganore por me një projekt liberal-komunist që në bashkëpunim me Beogradin i tha botës se po bëjnë Ballkanin e Hapur, dhe, aty ku ngeci injoranti Koçi Xoxe, pasardhësi i tij Edi Rama e çoi një hap para duke sfumuar diktatorin Enver Hoxha, me një pushtet absolut që nuk e ka pasur njeri deri më sot në historinë e shtetit shqiptar!
Dhe, për të realizuar gjithë këtë rrugëtim, të domosdoshme e kishte që nga hiri i Sigurimit të Shtetit fillimisht të rilind propagandën dhe me mediat nën kontrollin e rreptë të niset drejtë majave të pushtetit me gazetën Koha Jonë, TV Klan, Gazeta Shqiptare, Balkanweb, TV News 24, Top Channel, Gazetën Panorama… Dhe, duke mos u ngopur kurrë, mori në gjirin e tij edhe Report TV, Euronews e A2CNN!
Si një organizëm i ngopur i cili vjellë edhe pasi të ketë ngrënë me gjithë qejf, edhe Edi Rama filloi të vjellë, ti quaj Kazanë pikërisht këto media që e bënë disident, Kryetar qelibar të Bashkisë Tiranë, zhdukën nga faqja e dheut ujin që përmbyti Tiranën, delirin O Doktoooorrr pasi gërthiti si gomar në mbështetje të Ilir Metës në Sheshin Skënderbe, lartësuan nevojën e largimit të Fatos Nanos, kërkesave madhore të Erion Veliajt, luftën e pakompromis kundër Sali Berishës sikur kur lejoi djegien e Shqipërisë nga të ndërsyerit përmes celulës së kriminelëve komunistë në gazetën “Koha Jonë”, ashtu dhe kur ndërtoi Rrugën e Kombit, anëtarësoi Shqipërinë në NATO, liberalizoi vizat…
Madje nuk kurseu as Presidentin e Shteteve të Bashkuara pse erdhi gjatë qeverisjes së Sali Berishës në Tiranë, duke i shpallur shqiptarët hajdut të orës së presidentit amerikan, përmes medias pararoje Top Channel! Presidenca amerikane e përgënjeshtroi menjëherë këtë lajm të shëmtuar, por, kjo nuk e ndaloi Kazanxhiun me teneqe e laps në dorë të ideoi avujt e radhës të dehjes komuniste!
Gërdeci dhe 21 Janari në bulevard, patjetër që do të kishin tjetër kuptim sikur mos të ekzistonte News 24 dhe Irfan Hysenbelliu, por, askush nuk do ti afrohej as këtij bulevardi sikur mos të ekzistonte Top Channel i Tanit me videokorrupsionin e Ilir Metës!
Sot, gjithkush e ka të qartë ashtu si edhe Ilir Meta dhe Erion Veliaj që janë në birucë, se Kazanxhiu nuk do të ishte në pushtet pa këta dy burgaxhi aktual, ashtu siç e ka të qartë çdo shqiptarë që bukës i thotë bukë dhe ujit i thotë ujë, se pa këto media, Edi Rama as nuk do të vinte dhe as nuk do të qëndronte në pushtet, as edhe një javë të vetme!
Por, për Kazanxhiun pak rëndësi ka kjo, ashtu siç nuk kishte rëndësi se pse heshtnin këta Kazanë që i ngriti ky njeri duke denoncuar bëmat e Saliut, kur shoqata e ndërtuesve e denoncoi Edi Ramën se kishte kërkuar 20% për çdo metër katror të dhënë për leje ndërtimi, kur e gjithë toka shqiptare u kanabizua dhe me menaxherin e këtij kanabizimi shkoi për vizitë në Shtëpinë e Bardhë te Presidenti i SHBA, kur projekti më antishqiptar që nga krijimi i shtetit shqiptar Ballkani i Hapur u ngrit me miratimin e po këtij njeriu, kur u projektua ndarja e Kosovës nga ky koçixoxe, kur Porti i Durrësit u dha në duart e biznesmenëve arabë – miqë të Presidentit të Serbisë, Aleksandar Vuçiç, kur u shpërdoruan edhe fondet për rindërtim pas tërmetit shkëtrrimtar të vitit 2019, kur u shpikën dhe vodhën PPP-të për Shëndetësi, dhe, në fund, kur u shpik dhe vjedhja e shekullit, Inceneratorët!
Heshtjen e mediave, pra, Kazanëve, shumë vetë e shpjeguan me shndërrimin e pronarëve të këtyre mediave në investitor strategjik, por, jo, ata janë shumë më pak investitor të këtij lloji, dhe thuajse fare pronar mediash, sepse aty është bossi i tyre, Kazanxhiu!
Këtë, Kazanxhiu e dëshmoi me vetë sjelljet e tij, duke ju treguar këtyre biznesmenëve injorantë se kush është pronari i vërtetë përderisa si Kazanë janë ngritur nga teneqeja e tij!
Madje, dhe një pasanik i orëve të vona komuniste si Samir Mane, që arriti të futet në qitapin e Forbes me miliardat që vazhdojnë të jenë në emër të tij, u konfirmua shumë shpejtë nga shteti serb se biznesin e kishte filluar nga Beogradi! Kështu, Kazanxhiu edhe një pasaniku të vetëm të certifikuar i dha vulën Apostile për të sqaruar shqiptarët se kur të gjithë largoheshin nga Shqipëria, ku thuhej se kishte rënë komunizmi, Samiri shkoi drejt komunizmit xoxian, në Beograd!
Pse u ngritën nga hiri komunist këto televizione dhe si përfunduan në Kazanë, si investime që nuk do të dështojnë pavarësisht nëse e shikon dikush apo jo, shembull i frikshëm është TV Abc News!
Fillimisht televizionin e ngriti shërbëtori Aleksandër Frangaj dhe e drejta e tij, nga Sandri e bleu Samir Mane, u la në duart e pronarit të Spitalit Amerikan, Klodi Allajbeu, dhe, për të qenë të qetë Kazanët e tij me financat e tyre, u gjet një dele matanë kufirit të cilin nuk e kishin ngritur kot paraardhësit e Edi Ramës pasi i bënë nul vendimet e Konferencës së Bujanit, biznesmenin e modelit kriminal serbë, Shkëlqim Devolli!
Sot, hiri që ka mbuluar News24 dhe Fanen mbi vatrën e Kazanxhiut dikush mund ta marrë edhe seriozisht, dhe, të filloj të ulërij për fjalën e lirë! Por, një Kazan i ngritur nga teneqeja e Kazanxhiut Edi Rama as nuk ka fjalë dhe aq më pak liri!
Kazanxhiu do të thoshte më mirë djepi bosh se shejtani brenda!
Në shtetin e qeverisur nga Edi Rama, ku Fania lartësonte Erion Veliajn dhe Partinë Socialiste në momentin kur Kazanxhiu po i shembte me tritol hotelin, dhe, kanë kaluar tre ditë që i ka vënë drynin kompanisë së tij mediatike dhe ai nuk guxon të thotë as edhe një fjalë por nxjerrë gazetarët në radhë të flasin për fjalën e lirë, për keqardhje janë gazetarët e kësaj kompanie mediatike dhe të gjithë ata që nuk e shikonin Shqipërinë ideale të cilën po e jetonin, pa dhënë urdhër, Fania, pra, Kazanxhiu!
Edhe në këtë situatë, kur qindra gazetarë janë flakur në rrugë ndonëse me shumë përkushtim e kanë kryer punën e tyre, dhe pavarësisht planeve ogurkuqe të Edi Ramës, më mirë është që Kazani të jetë bosh se rakia e Fanes brenda!
Në fund, Kazanxhiu i cili me ndihmën e Kazanëve të tij mediatik rilindi nga hiri i së shkuarës komuniste frikën, tmerrin dhe pushtimin, vetëm me ndihmën e këtyre Kazanëve do të marrë rrugën e Koçi Xoxes!
Paradoksalisht, në turrën e druve që po djeget dhe Kazanët po kujdesen të mos fiket zjarri, ku Kazanxhiu po vazhdon të hedhë kundërshtarët e tij, aty do të përfundoj edhe vetë Kazanxhiu!
Sepse, thjeshtë, pronarët e Kazanëve, epoka kriminale e Edi Ramës i ka bërë, pronarë real të zjarrit!
