KCNA: Kim ka pranuar një letër nga Presidenti Trump

Lideri koreanoverior, Kim Jong Un ka pranuar një letër “të shkëlqyer” nga Presidenti i Shteteve të Bashkuara, Donald Trump, raporton media shtetërore në Korenë e Veriut.

Megjithatë, përmbajtja e letrës nuk është bërë publike, por Agjencia koreane e lajmeve, KCNA, tha se Kim “ishte i kënaqur me përmbajtjen e shkëlqyeshme të letrës”.

“Vlerësimi i aftësive gjykuese politike dhe guximi i jashtëzakonshëm i Presidentit Trump, Kim Jong Un tha se do ta lexojë me vëmendje përmbajtjen interesante të letrës,” raporton KCNA.

Këto komente janë në vazhdën e gjuhës që dy liderët kanë përdorur, lidhur me letrat që i kanë dërguar njëri-tjetrit, raporton RFE.

Më 12 qershor, Presidenti Trump deklaroi se ka pranuar “një letër të bukur” nga Kim.

“Sigurisht, nuk mund t’ua tregoj letrën, por është shumë personale, shumë e ngrohtë, një letër shumë e mirë,”tha Presidenti Trump.

Në shtator të vitit 2018, Presidenti Trump kishte deklaruar se Kim “më ka shkruar letra shumë të bukura dhe shumë të mira”.