KED me anëtarë të rinj, Kim: U hap rruga për përfundimin e Gjykatës Kushtetuese!

Duke përshëndetur hedhjen e shortit transparent në Presidencë për përzgjedhjen e anëtarëve të rinj të të Këshillit të Emërimeve në Drejtësi, KED, Ambasadorja e SHBA në Tiranë, Yuri Kim, tha se u hap dhe rruga për përfundimin e Gjykatës Kushtetuese në fillim të vitit 2022.

“Vazhdon zbatimi i Reformës në Drejtësi. Më vjen mirë që Zyra e Presidencës (në bashkëpunim me Këshillin e Lartë Gjyqësor, Këshillin e Lartë të Prokurorisë, Avokatin e Popullit dhe të tjerë) zhvilloi dje një short transparent për përzgjedhjen e anëtarëve të rinj të Këshillit të Emërimeve në Drejtësi,” thekson Yuri Kim në tragimin e saj përmes rrjetit social Twitter duke përfunduar:

“Gjykata Kushtetuese arriti kuorumin 1 vit më parë që mundësoi funksionalitetin. Veprimi i djeshëm i hap rrugën përfundimit të Gjykatës Kushtetuese në fillim të vitit 2022. Inkurajojmë të gjitha institucionet përkatëse që të vazhdojnë përpara, pavarësisht pengesave për të zbatuar Reformën në Drejtësi.”