“Këlcyra rilindase”, bashki që nuk e duan as socialistët: Rama ik!

Sot Këlcyra, bashki e drejtuar nga “Rilindja” u gdhi me parulla gjithandej nëpër qytet: “Rama Ik”.

Mediat lokale raportojnë se parullat ishin pikasur mbrëmjen e së mërkurës por shumë prej qytetarëve i kanë parë vetëm sot në mëngjes.

Kjo paknaqësi ndaj pushtetit lokal socialist dhe Kryeministrit Edi Rama ka kohë që është shfaqur në Këlcyrë, madje janë organizuar edhe protesta të dhunshme nga banorët lokal, kur filloi zbatimi i një projekti që filloi me shembjen e 30 objekteve.

Pronarët e objekteve në fjalë kanë akuzuar kryetarin e Bashkisë Këlcyrë dhe Kryeministrin Edi Rama për projektin korruptiv, ndërsa në përpjekjet e tyre për të mbrojtur pronën disa herë kanë organizuar protesta para Bashkisë madje janë futur edhe me dhunë duke kërkuar zgjidhjne e problemit.