Këlliçi reagon ndaj procedimit penal: Kujt t’i kërkojmë leje për protestë, kriminelëve…

Kryetar i FRPD-së, Belind Këlliçi, ka reaguar lidhur me nisjen e procedimit penal ndaj tij dhe disa anëtarëve të këtij forumi, që protestuan para Ministrisë së Brendshme duke kërkuar dorëheqjen e Fatmir Xhafaj.

“Që të merrnim leje mesa duket duhet të shkonim në burgjet e Italisë. Të kërkosh leje te kriminelet për të protestuar kundër tyre është komplet qesharake. Është standarti i kësaj qeverie që qytetarët që protestojnë shkojnë në burg e kriminelët promovohen në qeveri e parlament”, shkruan Xhafaj.

Komenti i Belind Këlliçit

Pasi Policia e Shtetit (Xhafa-Habilaj) ja doli të arrestojë e ekstradojë shtetasin Agron Xhafaj, vëllai i ministrit të Brendshëm, Fatmir Xhafaj, i dënuar me 7 vite burg në shtetin Italian për trafik droge, pasi arrestoi shtetasin Saimir Tahiri, nën hetim nga Antimafia Italiane për trafik ndërkombëtar droge përmes kushërinjve të tij, gjeti kohë të procedoje disa anëtarë e drejtues të FRPD si organizatore të një tubimi të paligjshëm kundër krimit e drogës përpara Ministrisë së Punëve të Pista.

Që të merrnim leje mesa duket duhet të shkonim në burgjet e Italisë. Të kërkosh leje te kriminelët për të protestuar kundër tyre është komplet qesharake. Është standarti i kësaj qeverie që qytetarët që protestojnë shkojnë në burg e kriminelët promovohen në qeveri e parlament.

Edi Ramën e siguroj se sot më shumë se kurrë, FRPD do të qëndrojë përballë tij pa asnjë hezitim