Këneta, alarm për familjarët e Edi Ramës!
nga Agim Popoci
Nuk ka se çfarë ofron ama e do mandatin e katërt dhe ngritë zërin duke folur për Kënetën! Gjithmonë në skenë ka një tufë grash që janë të gatshme për ilaritet edhe atëherë kur nuk e kuptojnë arsyen pse lideri i tyre flet për Kënetën!
Vjen lajmi se Saliu ka në krah Amerikanët e Trumpit dhe nuk e fsheh dot shqetësimin, shfaqet i shkujdesur me Kënetë në gojë edhe në debatin mëngjesor të cilin e kuron si okulist, Sy m’Sy. Para tufës së grave shton edhe bufin në Kënetë, tallet me kreun e fushatës së PD, Chris LaCivitas, i përqesh emrin dhe përbuz rolin e amerikonit në fushatën e Trumpit, por, nuk u ngatërrua me shefin e tij, Paul Menafort!
Ata që e njohin mirë Edi Ramën e cilësuan si Panik, por ai vazhdoi rolin para tufës së grave duke i shtuar Kënetës përveç se Bufin, Çyrykët e madje edhe fotot Nudo para fëmijëve!
Ison i mbajtën edhe ca deputete duke folur për Kënetën, pa e ditur as kuptimin, por njeriu në panik nuk shkon as në varrimin e Papa Françeskut për të cilin tha se kishte marrëdhënie personale! Burime poshtë tavolinës së tij u thanë miqve të mediave të ngjizura nga i prangosuri Lali Eri, se arsye e mosprezencës në Vatikan ishte pritja e një ftese për në Beograd, ku do të takonte Trump Jr i cili po zhvillonte takim me Presidentin e Serbisë, Aleksandar Vuçiç!
Ndërkohë erdhi lajmi se njeriu i Saliut kishte firmosur kontratë me Continental Strategies e afërt me Trump, që ngatërroi shumë gurë në kokën e Edi Ramës dhe nuk po dinte më me kë të luftojë, me mullinj apo me erë, sepse bluarja e mashtrimeve dhe vjedhjeve 12 vjeçare të qeverisë që kishte drejtuar tashmë kishte filluar të mbushë thasët e dëshmive të vendosura nga Washingtoni!
Grenelli i Vuçiçit u mundua ta mbyllë rubinetin e këtij mielli kriminal duke përgënjeshtruar takimin e mundshëm të Trump Jr në Beograd me Edi Ramën, pa e kuptuar se përderisa heshtë i zoti i takimit po vuloste mundësinë e një takimi të planifikuar me Kryeministrin e Shqipërisë që ishte në hall, dhe po kërkonte ndihmën e miqve të hunit dhe konopit!
Por, uji edhe fle por tani Continental Strategies pavarësisht lojën me faturën e paguar 6 milionëshe që bënë Edi Rama, Jo; Sepse kontrata është aty, Amerika në krah të Sali Berishës, Alex ujkut i kanë humbur edhe gjurmët, dhe kot e ka SPAK që tërhiqet zvarrë edhe në ditë pushimi për ti thonë miletit se hetimet për kontratën e lobimit nga PD filluan, kur Partia Demokratike sipas Kodit Zgjedhor ka afat prej 60 ditësh pas shpalljes së rezultatit të zgjedhjeve për dorëzimin e saj!
Nuk dihet nëse ka bërë ndonjë sy gjumë, por Edi Rama mëngjesin e sotëm Sy m’Sy i tha miletit se Këneta sillej sikur hynte dhe dilte si farë kosi në SHBA, se LaCivita ka marrë pjesën e tij në 6 milionë dollarët që kanë dalë nga barku i Kënetës dhe synojnë të realizojnë atë që na u tha se ishte një gjë e realizuar tashmë, dhe, Këneta u përpoq të hedhë llumin mbi Dumanin, ndërsa shpërfaqi qartë një shqetësim që nuk korrespondonte dot me një njeri që fitoren e 11 majit e ka të sigurt; Ashtu siç po mundohet ta bind elektoratin me përkufizimet e ca idiotëve që Sigurimi i Shteti ju kanë vënë mbi supe spaletat e analistit që në vitin e zi 1997, dhe vazhdojnë e helmojnë opinionin sa herë i duhen Partisë!
I gjithë ky rrëfim mëngjesor ishte parë nga mileti ndonëse me një skenar pak më ndryshe kur Edi Rama filloi nga foltorja e parlamentit me paralajmërimin sikur hynte dhe dilte si farë kosi në Departamentin Amerikan të Shtetit, se së shpejti do vinte Non Grata për Saliun, jepte miliona dollarë sa Alexit dhe sa McGonigalit duke trumbetuar realizimin me sukses të shkatërrimit të opozitës, dhe kur Antony Blinken dha kumtin u gjuajt në çast me kthetrat e tij mbi Altin Dumanin duke kërkuar arrestimin e njeriut që u shpall Non Grata; Por, nëse Kënetë mbi Kënetë një komunist si Bela ose Tao mund ta imagjinojnë ngritjen e një Kalaje të pranueshme për Sigurimin e Shtetit, ky është një alarm për familjarët e Edi Ramës për ta shpëtuar sa nuk është vonë!
Simptomat janë shumë të rënda sepse Këneta nuk artikulohet nga Edi Rama për ta luftuar Saliun por veten e tij, ose më saktë, Frikën që e ka kapluar!
Terapistët e njohur të neurologjisë e kanë shpjeguar shumë mirë këtë lloj personi i cili ka frikë që të mos ndodhë diçka më e keqe, zonë të sigurt ka jetën në kënetën që e rrethon, ku e mbron veten nga çfarëdo lloj përvoje që do të ngjallte çfarëdo lloj gjëje tek ai, për të cilën ai nuk është i gatshëm.
Prapaskena e kësaj gjendje, konkludojnë terapistët, është, Frika!
Dhe, meqë LaCivitan nuk e kthen nga ka ardhur, zotimin e Paul Menafortit për fitoren e PD nuk e zhbën, kontratën e Continental Strategies nuk e gris dot as me SPAK-un të dielave, dhe humbjen më 11 Maj nuk e ndalon as me helmin pa fund që po hedhë mbi opinionin me publik me këto media të lodhura që i shërbejnë, fatmirësisht për Edi Ramën ka mbetur një zgjidhje!
Që të mos ketë frikë, kanë ardhur në përfundim terapistët, ky lloj personi duhet ti jep rast, jetës! Ky është dhe alarmi për familjarët, që ta shpëtojnë të dashurin e tyre – Edi Rama, për të vazhduar jetën në gjirin e tyre. Mjaft i ka shërbyer Sigurimit të Shtetit, i cili luftoi dhe lufton, vetëm për Pushtet!
