Keqpërdorimi i subvencioneve në bujqësi, arrestohen 7 persona

Policia e Kosovës sot ka vazhduar aksionin e nisur muaj më parë nën dyshime për keqpërdorime të subvencioneve në bujqësi në Agjencinë për Zhvillimin e Bujqësisë, AZHB.

Aksioni policor i cili ka nisur në Agjencinë për Zhvillimin e Bujqësisë, ka rezultuar me 7 të arrestuar nën dyshimin për keqpërdorim të subvencioneve në bujqësi ndërkohë do të vazhdojë edhe nëpër komuna të Kosovës ku pritet të arrestohen dhjetëra zyrtarë.

Në muajin shkurt, në Agjencinë për Zhvillimin e Bujqësisë u arrestuan zyrtarë të shumtë me dyshimet për keqpërdorim të detyrës zyrtare, dhënie e marrje ryshfeti ndërsa u sekuestruan edhe makina e valixhe me para.

Aksioni i sotëm është nisur bazuar në provat që janë nxjerrë Nga telefonat e sekuestruar të zyrtarëve të arrestuar, ishin nxjerrë provat ku flitet për afera korrupsioni e ryshfet për ndarje subvencionesh, që rezultuan dhe me zhvillimin e aksionit të sotëm nga Policia e Kosovës.