Keqpërdorimi i votës, Prokuroria Speciale arreston dy persona

Prokuroria Speciale e Kosovës ka arrestuar dy persona me dyshimin e keqpërdorimit të detyrës zyrtare gjatë zgjedhjeve dhe dhënien apo marrjen e ryshfetit në lidhje me votimin.

Ndaj A.K dhe S.M sot Prokuroria Specialke ka parashtruar edhe kërkesën për caktimin e masës së paraburgimit:

“Prokuroria Speciale e Republikës së Kosovës, njofton opinionin se gjatë ditës së djeshme (09 mars 2021), ka ndaluar dy persona me inicialet A.K dhe S.M, për shkak të dyshimit se të njëjtit kanë kryer veprat penale “Keqpërdorimi i detyrës zyrtare gjatë zgjedhjeve”, nga neni 211 dhe “Dhënia apo marrja e ryshfetit në lidhje me votimin” nga neni 212 të KPRK-së. Po ashtu, Prokurori i shtetit gjatë ditës së sotme do të parashtroj kërkesë për caktimin e masës së paraburgimit për dy personat e lartcekur për shkak të dyshimit se të njëjtit kanë kryer veprat si më lartë,” ka njoftuar prokuroria përmes një njoftimi.

Ndryshe, Prokuroria Speciale është duke vazhduar hetimet lidhur me këtë rast.