Kërcënimi i financimit të fshehtë politik rus, Yuri Kim në KQZ: Të rritet transparenca!
Kërcënimin serioz i financimeve të fshehta politike ruse si dhe kanosja që paraqet për demokracinë dhe përpjekjet antikorrupsion ishin tekm e dikutimit në takimin që Ambasadorja e SHBA në Tiranë, Yuri Kim, zhvilloi me kreun e Komisionit Qendror të Zgjedhjeve, Ilirjan Celibashi dhe përfaqësues të partive politike, sot në KQZ.
“Kërcënimi i financimit të fshehtë politik rus nënvizon rëndësinë që ka rritja e transparencës në financimin e fushatave, regjistrimi i enteve të huaja, si dhe masat për të identifikuar dhe parandaluar pastrimin e parave,” thekson në njoftimin e saj përmes rrjetit social Facebook, Ambasada e SHBA në Tiranë pas takimit duke përfunduar:
“Shtetet e Bashkuara do të vazhdojnë të punojnë me partnerë në të gjitha institucionet demokratike të Shqipërisë për mbrojtjen ndaj këtyre kërcënimeve.”
Ndryshe, ky takim vjen pas publikimit të lajmit nga Zëri i Amerikës bazuar në raportin e shërbimeve inteligjente të SHBA, për infiltrimin rus në politikën e disa vendeve, dhe financimin e politikanëve në këto vende, ku përfshihet dhe financimi me 500 mijë dollarë të Ish-Kryetarit të Partisë Demokratike, Lulzim Basha, në zgjedhjet e vitit 2017.
Njoftim:
Ambasadorja e SHBA Yuri Kim u takua me Kreun e Komisionit Qendror të Zgjedhjeve Ilirjan Celibashi dhe përfaqësues të partive politike sot për të diskutuar kërcënimin serioz të financimeve të fshehta politike ruse si dhe kanosjen që kjo paraqet për demokracinë dhe përpjekjet anti-korrupsion.
Kërcënimi i financimit të fshehtë politik rus nënvizon rëndësinë që ka rritja e transparencës në financimin e fushatave, regjistrimi i enteve të huaja, si dhe masat për të identifikuar dhe parandaluar pastrimin e parave.
Shtetet e Bashkuara do të vazhdojnë të punojnë me partnerë në të gjitha institucionet demokratike të Shqipërisë për mbrojtjen ndaj këtyre kërcënimeve.
