Kërcënimi i Kryeministrit me jetë, Albin Kurti në gjykatë

Të akuzuarit për kërcënim me jetë ndaj Kryeministrit në detyrë të Kosovës, Albin Kurti, Faton Klinaku dhe Nuredin Selmani, sot jane deklaruara të pafajshëm në seancën e shqyrtimin fillestar.

Prezent në shqyrtimin fillestar në çështjen gjyqësore ndaj Faton Klinakut, i cili akuzohet për kanosje ndaj Kryeministrit në detyrë, në Gjykatën Themelore në Prishtinë ishte prezent vetë Albin Kurti

Ndryshe Prokuroria Speciale e Kosovës ka ngritur aktakuzë ndaj Faton Klinakut për veprën penale “Kanosja”. Gjithashtu, aktakuza është ngritur edhe ndaj një të pandehuri tjetër, N.S., është bërë e ditur në një njoftim zyrtar.

“Sipas aktakuzës, më 29.08.2023, i pandehuri F.K., me qëllim që ta frikësojë dhe ta detyrojë personin zyrtar – tani të dëmtuarin A.K. – në cilësinë e tij si kryeministër i Republikës së Kosovës, që të ndërmarrë ose të mos ndërmarrë veprime të caktuara në kuadër të ushtrimit të detyrës së tij zyrtare, e ka kanosur atë përmes profilit të tij personal në rrjetin social ‘Facebook’, duke postuar shkrime me përmbajtje kërcënuese,” ka bërë të ditur Prokuroria Speciale e Kosovës.