Kërkesa e Presidentit/ Hetim DSIK-së, Basha: U cenua Siguria Kombëtare dhe e NATO-s

Kryetari i Partisë Demokratike, Lulzim Basha, tha se mbështetë hetimin epaligjshmërinë me DSIK, në rastin e zëvendësministrit të Jashtëm, Genti Cakaj, kërkesë kjo e cila është bërë nga Presidenti Ilir Meta:

“Nuk jam në dijeni të kërkesës së presidentit, por që prej publikimit dje të dekretit të Presidentit, ashtu siç bëra publike dhe në emisionin “Opinion” mbrëmë, kemi nisur punën për të hetuar në të gjitha format e mënyrat duke përfshirë dhe hetimin parlamentar, përgjegjësitë e DSIK-së, zv.ministrit Caka, ministrit Bushati, kryeministrit Rama dhe Shërbimit Informativ të Shtetit në dhunimin e ligjit për informacionin e klasifikuar sekret në Republikën e Shqipërisë dhe pasojat që kjo ka për sigurinë kombëtare dhe sigurinë e NATO-s”, tha ai.  

Ndryshe, sot presidenti Ilir Meta i ka bërë kërkesë zyrtare Kryetarit të Parlamentit, Gramoz Ruçi ku i kërkon ngritjen e një komisioni hetimor parlamentar për rastin e pajisjes me ccertifikatë sigurie brenda një dite, të kandidatit për ministër të Evropës dhe Punëve të Jashtme, Gent Cakaj.