Kërkesa për momentin, Merkel: Reduktim kontakteve!
Kancelarja Merkel sërish i ka bërë thirrje qytetarëve që të reduktojnë sa të mundin kontaktet personale për të ulur valën e pandemisë ndërkohë Gjermania shënon rritje masive të infektimeve.
Para rritjes masive të numrit të infektimeve këtë javë në Gjermani, kancelarja Merkel sërish në videomesazhin e saj javor i bëri thirrje qytetarëve që të reduktojnë sa të mundin kontaktet që të përballohet përhapja e madhe e pandemisë.
“Nuk jemi të pafuqishëm ndaj virusit, sjellja jonë vendos, se sa i fortë është ai dhe sa shpejt përhapet. Kërkesa e momentit është për të gjithë ne: reduktoni kontaktet. Takoni sa më pak njerëz,”, tha sot Merkel.
Vetëm para një jave, Merkel me një apel dramatik në mesazhin javor kërkoi bashkëpunimin e qytetarëve dhe bëri thirrje për kujdes në kohën e rritjes së infektimeve. Ky apel shkaktoi shumë reagime në Gjermani.
Vetëm për një javë, situata e pandemisë është ashpërsuar, tha sot Merkel.
“Për mua vlen ajo që u thashë javën e kaluar, fjalë për fjalë.”
Në videomesazhin para një jave, raporton DW, Merkel kërkoi uljen e kontakteve familjare, moskryerjen e udhëtimeve të panevojshme, dhe bëri thirrje që njerëzit të qëndrojnë në shtëpi.
