Kërkesat e studentëve, Shahini: S’ka nevojë për ndryshime ligjore, Vokshi: Pakti është mashtrim!

Të gjitha kërkesat e studentëve janë adresuar në Paktin për Universitetin dhe nuk ka nevojë për ndryshime në ligj. Kështu u shprehë Ministrja e Arsimit, Besa Shahini, në Komisionin për Edukimin dhe Mjetet e Informimit Publik duke e bërë të qartë se nuk ka nevojë të bëhen ndryshime ligjore. Pas kësaj deklarate të Ministres së Arsimit, Besa Shahini, kryetarja e këtij Komisioni, Albana Vokshi, konstaton se vetë ministrja e pranoi se nuk ka plotësuar kërkesat e studentëve, pra Pakti është një mashtrim.

Pjesë nga debati

Besa Shahini: Duke marrë parasysh gjithë çfarë kemi parë nga shtetet e tjera ne nuk i shohim të domosdoshme që këto ndryshime të adresohen përmes ndryshimeve ligjore. Duke marrë parasysh që ne edhe me VKM në dhjetor dy nga çështjet kryesore të ngritur nga studentët për transparencë dhe llogaridhënie dhe për përfaqësime nëpër borde i kemi adresuar

Albana Vokshi: Atëhere qëndrimi i ministrisë ndaj propozimeve është kundër?!

Besa Shahini: Po

Albana Vokshi: Atëhere ju po pranoni që Pakti nuk i ka plotësuar kërkesat e  studentëve. Atëhere pse po mashtroni që thoni që pakti i ka plotësuar kërkesat e studentëve. Pse i mashtroni studentët? Ju vetë po thoni që jeni kundër disa kërkesave të studentëve. Mua më vjen mirë që prenuat që nuk janë plotësuar. Në nderin tuaj është që të dilni dhe ti thoni studentëve dhe pedagogëve që nuk mundemi dhe nuk i kemi plotësuar disa prej kërkesave.  Ju po pranoni që  pakti është një mashtrim.Besa Shahini: Pakti i ka adresuar këto kërkesat e studentëve dhe nuk kemi nevojë të bëjmë ndryshime ligjore.