Kërkohej prej katër ditësh, gjendet i pajetë doganieri i Qafë-Botës

Një doganier i Doganës së Qafë-Botës është gjetur i vdekur. Viktima është 63-vjeçari Janaq Rajdho, lindur në Derviçan dhe banues në Fier.

Mësohet se doganieri është gjetur i pajetë në dhomën e tij, në shtëpinë me qira, ku ai jetonte, ndërsa po kërkohej prej katër ditësh nga familjarët.

Dyshohet se vdekja ka ardhur nga një atak kardiak. Ndërkohë, policia ka mbërritur në vendin e ngjarjes dhe pritet të zbardhë shkaqet e vdekjes së doganierit.