Kërkoi divorcin në Kishë, edhe kjo quhet këshillë e priftit…

Ata që kanë vajtur tek prifti për divorc kishtar, e dinë se kemi të bëjmë me një formalitet. Mirëpo, në Rusi, priftërinjtë nuk lejojnë që çiftet të divorcohen aq lehtë.

Ky rrëfim, shkruan e përditshmja “Espreso”, e konfirmon këtë fakt.

Një grua, ka vendosur të divorcohet nga bashkëshorti. Shkoi tek prifti që të këshillohet dhe ti kërkoj divorcin e celebrimit në kishë.

-At, kam ardhur që të më jepni lejen për divorc nga burri im, filloi rrëfimin gruaja duke belbëzuar, duke kafshuar buzët, duke shtrënguar grushtin fortë ndërsa shikimin e kishte drejtuar nga fytyra e priftit deri sa po rrëfehej.

-Pse e dëshiron divorcin, bijë? pyeti prifti me zë të ulët.

-Ai pi raki! Vjen nga puna dhe vetëm rri i shtrirë! Gjithë ditën rri i shtrirë dhe nuk më ndihmon asgjë. Nuk mundem më të duroj as edhe një ditë të vetme me këtë njeri, tha gruaja e shqetësuar.

-Pse je martuar atëherë me të? tha prifti.

-Sepse jam budalla! tha gruaja e mërzitur.

-E shikon, dhe ai është martuar me budalla, apo jo? tha prifti me zë të qetë dhe këshilloi gruan që ti përkushtohet jetës bashkëshortore, dhe nëse nuk ka përparim atëherë le të vijnë të dy në këshillim.